Mais, pour la cause susdicte

son du duc, quy estoit son oncle ; parquoy le conte ne parvint point à son emprinsc ; et advint que, en dissimulant ledit mariaige, le bon duc qui avoit emprins d'aller à Rissebourg1, et ne sçavoit s'il passeroit oultre, ou s'il auroit aultre destourbier, fut conseillé que avant son partement il mariast son filz ; et veant les meurs, vertuz et condicions de sa niepce Ysabel de Bourbon dessusdicte, il print en son oppinion de la donner à femme à son filz, et envoya querre le conte à toute diligence, qui desjà avoit prins congié de luy pour aller en Hollande es affaires du duc, son père, lequel revint hastivement pour obeyr; et, à la vérité, la duchesse ne conseilloit point le mariaige, pour ce qu'elle queroit et entendoitde marier son filz en Engleterre à la fille aisnée du duc d'Yorc qui depuis fut duchesse d'Exestre2, pour ce qu'elle le vouloit allier en Engleterre, où elle avoit le cueur par nature, car elle lut fille d'une fille de Lenclastre, mariée au Roy de Portugal, son père ; et toutefïbis fut le bon duc obey de la mère et du filz, combien que à ceste cause furent aucungs differendz en ceste matière. Mais prisoit et louoit la mère les vertuz et condicions de la noble damoiselle. Si furent fiancez secrètement, pour ce que le duc n'avoit le consentement et le sceu du duc de Bourbon, père d'elle, ne de la duchesse, seur germaine du duc; et tendoit le duc d'avoir la seigneurie de Chasteau Chignon, pour joindre à Bourgoingne3. Si