Mespilus, néflier

cun des trois leur fut faict l'essay devant eulx, comme devant deux princes. Et combien que ledit Mahuot ne fust si grant ne si puissant de sa partie, touteffois vigoureusement il puisa du sablon, et le gecta aux yeulx et au visaige de Jacotin Plouvier ; et de ce cop luy donna de son baston sur le front, dont il luy fît playe et sang. Mais ledit Jacotin, qui estoit homme fort et puissant, poursuivit tellement et si aigrement sa bataille que ledit Mahuot fut abatu à bouchon, et Jacotin Plouvier lui saillit dessus ; et fut la bataille à ce menée, que ledit Jacotin creva les deux yeulx à son adversaire, et puis luy donna ung grant cop de son baston, dont il l'assomma, et le mist hors de la lice ; et, en ce faisant, mourut ledit Mahuot, et fut condamné à estre mené au gibet et pendu ; et ainsi fina la bataille entre Jacotin Plouvier et Mahuot. Si soit pris en gré ce que j'ay sceu ramentevoir de ceste matière. Assez tost après se firent unes autres armes à Valenciennes, de deux nobles hommes, dont l'ung fut chevalier, et se nommoit messire l..., et l'aultre fut ung escuyer de l'hostel de monseigneur le bastard, et se nommoit Jehan de Rebremettes, seigneur de Thibauville2. Ces deux, pour aucung estrif, comparurent à jour ordonné au lieu de Valenciennes, armés comme il appertenoit pour combatre à pied, et dévoient iceulx jecter ung gect de lance, et puis combatre de haches, jusques à vingt cinq coups. Les deux nobles hommes

1. Quatre mots omis dans les éditions précédentes. Le nom est en blanc dans le ms. n° 2869.

2. Sur ces armes qui eurent lieu le 14 décembre 1458, v. J. du Glercq, liv. III, ch. xl, et Chastellain , édit. Kervyn de Lettenhove, t. I, p. xxxn , et t. III, p. 358, note.

se comparurent parez de leurs cottes d'armes, et se combatirent chevaleureusement, sans faire grant foulle l'ung sur l'aultre, et ainsi se partirent icelles armes; et disoit on que Dieu avoit envoyé ces deux nobles hommes pour faire honneur à Valenciennes, et tenoit on la bataille faicte entre Jacotin Plouvier et Mahuot plus honte que honneur, à cause du murdre perpétré en la presance du prince.