Raser

hommes se feroient resre leurs testes comme luy * ; et se trouvèrent plus de cinq cens nobles hommes qui pour l'amour du duc se firent resre comme luy ; et aussi fut ordonné messire Pierre Vacquembac2 et aultres, qui, prestement qu'ilz veoient ung noble homme, luy ostoient ses cheveulx ; et vint ceste chose mal à point, pour la pareure de la maison de Bourgoingne ; car en ce temps vindrent nouvelles à monseigneur le daulphin que le Roy Charles, son père, estoit malade à Meun sur Yevre ; et ne demoura guieres de temps après que les nouvelles vindrent qu'il estoit mort. Ce qui fut vray ; et mourut audit chastel de Meun sur Yevre, le jour de la Magdelaine mil quatre cens soixante et ung3.

Ces nouvelles de la mort du Roy Charles furent tost publiées; car monseigneur le daulphin, que je nommeray Roy de cy en avant, fit ces choses hastivement sçavoir à monseigneur le duc Philippe

1. La mode vint non seulement de se couper les cheveux, mais de raccourcir ses vêtements. Voici, à cet égard, un curieux extrait de la Petite Chronique manuscrite qui se trouve à la suite de YÉtat de la maison du duc Charles, dans le ms. 5365, f. fr. de la Bibl. nat. : « Les hommes aussi se prindrent à vestir plus court que oncques, mais si qu'on veoit leurs derriers et leurs devans ainsi comme on souloit vestir les singes et avoient (?) pour ce si longs cheveulx qui leur empeschoient les visaiges et les yeulx; pourtoient haulx bonnetz sur leurs testes trop mygnotement et souliers à trop longues poulaines. Les varletz mesmement et les petites gens indifféremment pourtoient les pourpoints de soye ou de velours, choses moult vaines et par adventure hayneuses à Dieu. »

?. Pierre de Hagenbach, décapité en 1474.

3. Le 22 juillet 1461. V. le récit de la mort de Charles VII à la fin de la Chronique de Berry, roi d'armes de France. Un ms. de cette chronique se trouve à la Bibliothèque publique de Lyon, sous le n° 789. Voy. aussi Math. d'Escouchy, ch. cliii, et J. du Clercq, liv. IV, ch. xxix à xxxi.

et à monseigneur de Charrolois ; et devez savoir que grandes preparacions se firent de pompes et autrement, pour mener le Roy en son sacre, où le bon duc le voulut bien accompaigner, pour ce qu'il l'avoit nourri cinq ans en sa maison et à ses despens; et luy vouloit bien monstrer qu'il ne le vouloit pas abandonner à son besoing ; car, à la vérité, la faveur du duc de Bourgoingne fit maint couraige bon en France et dont les affaires du Roy Loys ne valurent pas pis.

Or revenrons à la manière que tint mondit seigneur le daulphin quant il se trouva Roy. Il est oit à Genespe, ung petit chasteau et ung petit bourg qui estoit à monseigneur de Bourgoingne, comme duc de Brabant, et de là se tira à Mabeuge1, et quist toujours les plus petites villes2 des pays du duc de Bourgoingne ; et luy croissoient gens de tous coustez, grans seigneurs, gens d'armes et aultres ; et le duc de Bourgoingne le suyvoit, quelque part qu'il voulsist aller3. Le conte de Charrolois, par le moyen d'aucungs ses serviteurs, et disoit on que c'estoit Guillaume Bische, s'entendit fort avec le nouveau Roy de France ; et tellement que despuis son sacre il le mena à Tours, où il le festoya grandement et luy donna trente six mil frans de pencion ; mais il ne l'entretint gueres en celle pension, dont le débat et la noise commença entre eulx, comme vous orrez cy après. Ainsy fut conduit et mené le nou-