CHAPITRE XIV

Comment le seigneur de Ternant, chevalier de la Toison d'or, fit armes à pié et à cheval contre Galiot de Baltasin, chamhrelan du duc de Milan.

Continuant ma matière commencée, je reprens et rentre en mon second1 volume par l'an de Nostre Seigneur mil quatre cens quarante six, et touteffois me sera force, pour le mieulx et plus abregamment escripre et mectre en mémoire, que je repreigne aucune chose advenue en l'an quarante cinq, et commancerons à reciter au commancement de ce second volume 2 les nobles armes faictes et accomplies par messire Philippe de Ternant, chevalier, conseillier et tiers chambellan du bon duc Philippe de Bourgoingne et chevalier de la Thoison d'or, à l'encontre de noble escuyer Galiot de Balthasin, natif du royaume de Castille, serviteur et chambellan du duc de Millan Philippe Maria3. Et fut vray que ledit an quarante cinq, environ la SainctMichiel, ledit Galiot s'estoit party de son maistre le duc de Millan, tant pour voyaiger et pour veoir du monde comme pour faire armes de son corps, pour soy advancer en renommée, qui est et doit estre le paradis terrestre de josne noble couraige ; et tant erra

phrase par celle-ci : « Je faiz fin de mes volumes. Tant a souffert La Marche. »