CHAPITRE XVI

Comment messire Jaques de Lalain et messire Jehan de Bonniface firent armes à pié et à cheval devant le duc de Bourgongne.

Après le faict de la noble feste de la Thoison passée, les armes emprinses par messire Jehan de Bonniface1, et touchées et accordées par Jaques de Lalain, furent mises au sambedy suyvant2. Et furent les lices préparées sur le marché de la Vieserye3, en" la ville de Gand, et fut la maison du juge devant les maisons où se vendent les vielz habitz, ainsi que au mellieu dudit marché; et celluy jour, ainsi qu'à une heure après midy, vindrent les ducz d'Orléans i et de Bourgoingne, le conte de Charrolois et toute la seigneurie en la maison qui, pour le juge, fut noblement parée; et print le duc de Bourgoingne le blanc baston, comme juge, et tantost veindrent les huict hommes d'armes

1. V. le Livre des faits de Jacques de Lalaing, ch. xvn et xvm, t. VIII, p. 73 et suiv. On y trouvera, p. 79, « les chapitres des armes à cheval de Messire Jehan de Boniface » et, p. 81 , ceux « des armes à pied, » datés du 1er avril 1445.

2. Le mercredi 15 décembre 1445. Voy. ci-devant, p. 81, note 4, et p. 82, note 1.

3. Ou Marché du Vendredi, Vnjdach Mart, le principal marché de Gand.