Robert de Sarrebruck, damoiseau de Gommercy, qui revenait

Jaquemin de Beaumont, homme subtil et avantaigeux en guerre, et tel qu'il falloit audit damoiseau, son maistre. Gestuy Jaquemin couroit tout le pays, et faisoit moult de maulx. Si furent envoyez, deux jours avant le partement du duc, du lieu de Maisieres, les seigneurs de Saveuses, de Neufville et de Miramont, avec bien cinq ou six cens archiers de Picardie, pour essayer de prendre ladicte place, et principallement ledit Jaquemin, s'il estoit possible; et firent si bonne diligence les cappitaines dessus nommez que, à ung bien matin, ilz mirent leur embusche, et envoyèrent leurs coureurs pour cuyder entrer en la place, à la porte ouvrir. Mais le guet et la garde furent grans ; et quand ilz veirent que par ce bout ils ne pouvoient riens exécuter, ilz vindrent devant la place et l'assiegearent1, et se logearent jusques dedans la bassecourt, et prindrent et gardèrent toutes les saillies du chasteau ; et bien le peurent faire, car ilz estoient assez de chiefz et de gens duictz et aprins de la guerre et de ce mestier; et tantost après arriva à leur ayde Philebert de Vauldrey, maistre de l'artillerie du duc , ung moult vaillant escuyer bourguignon, hastif et diligent en armes; et ammena bombardes et serpentines, et ce qui faisoit mestier pour baptre place. Ainsi fut assiégé le chasteau de Villy et Jaquemin de Beaumont dedans, ensemble plusieurs compaignons de guerre, et dont entre les aultres y avoit ung gentilhomme de Picardie, nommé Guillaume d'Auroul, qui pour aul-

avec sa compagnie d'Ecorcheurs de délivrer Dieppe assiégée par les Anglais et secourue par le Dauphin.

1. Sur le siège de Villy, v. Monstrelet, ch. cclxxvi, t. VI, p. 83 et suiv.

cung débat s'estoit party de son pays ; et passa le temps à son adventure, et se conduisit icelluy Guillaume très loyaulment avec ledit Jaquemin, dont il ne feust que mieux prisé, puisque la fortune estoit telle. Et se conduisoient ledit Jaquemin et ceulx de la place forte en gens de guerre, et dura le siège longuement ; et maintenais nous aultres, paiges du duc, alasmes veoir le siège et la manière de faire, ainsi que josnes gens vont pour apprendre, et pour veoir nouvelletez.

Durant le temps de celuy siège, le duc tira avant en ses pays, et print son chemin par Marville et par Vierton\ et de là en une ville desemparée que l'on nomme Ais2, passa par Harlon, et par tous ces lieux ne trouva résistance se petite, ou nulle ; et les principaulx lieux du pays qui faisoient la guerre, et où estoit le fort des gens d'armes, ennemis du duc, c'estoit la ville de Lucembourget celle de Tionville, qui sont deux bonnes villes et puissantes ; et estoient garnyes de soldoyers de guerre, Behaignons et Zassons, et avantureux, sans les communes des villes, qui sont tous gens armés et nourriz à leur adventure et au mestier de la guerre ; et estoit chief de ceste compaignie, et lieutenant pour les ducz de Zasses3, au pays de Lucembourg et conté