Et le receut le duc

croire que la bonne duchesse, sa tante, le receut, ensemble les Portugalois, moult cordialement, leur fit de grans biens, et y mit largement du sien; et pareillement le bienviengna moult voulentiers le conte de Gharrolois, à qui il fut cousin germain; et en ceste chose me sera force d'escripre et desclairer quelques adventures et cas avenuz au royaulme de Portugal, que toutefïbis je n'ay pas veus, pour donner à entendre pourquoy et à quelle cause furent iceulx Portugalois, avec les enfans du duc de Goymbres, après sa mort, deschassez et fugitifz du royaulme de Portugal, et privez de leurs seigneuries et biens ; et lesquels enfans furent deux nobles princes, fils du duc de Goymbres1, et une noble dame, saige et vertueuse2, qui depuis fut mariée à Adolf, monseigneur de Gleves, frère du duc Jehan de Gleves, comme cy après sera devisé et escript.

Vérité fut que le bon Roy Jehan de Portugal, père de la duchesse Ysabel de Bourgoingne, laissa plusieurs enffans légitimes, dont l'aisné, nommé Edouart3, fut Roy de Portugal après luy ; le second fut duc de Goymbres4; le tiers fut conte de Gepte5, et la fille duchesse de Bourgoingne. Le Roy Jehan mort, le Roy de Portugal, son fils, se maria à Lenora6, fille du Roy

1. Les infants Jacques et Jean, fils de Pierre, duc de Coïmbre, et d'Isabelle d'Aragon.

2. Béatrix, mariée à Adolphe de Gleves, seigneur de Ravestein.

3. Edouard, roi de Portugal de 1433 à 1438, mort de la peste à Lisbonne.