Martres zibelines

grandes lettres d'or. Ce sont ceulx qui jousterent ce jour et non aultres.

Monseigneur le bastart venant à rencontre dudit messire Jehan estoit houssié de velours tané chargié de brodure en barbequesnes * et ses lettres avec son mot à bordure de velours vert.

Après ladicte jouste, que les seygneurs et dames furent retournez à court, il avoit en la grant salle ung riche bancquet préparé aux deux grandes tables, et à la haulte estoient assises en manière que furent les grandes naves pour les plas de viande, grandes tentes de soye à deux mas, baneroUes dessus, et pour les pastez pavillons parez, dorez et johiez richement. Et si fut le service de xv mes de cuisine, et y avoit encoires nouveau dressoir assis et nouvelle vaysselle. A la dextre partie de la haulte table dessusdicte et droit devant icelle estoit une grande, puissante et haulte tour représentant celle de Gorchem^ à faconde pierre bleue, bachicolemens^, faulces braies^ et tout, sur laquelle tour en l'esquarguette avoit ung homme qui fist plusieurs remonstrances servans au pourpos tant desdictes tentes et pavillons comme desdicte tour, et aux fenestres d'icelle tour se monstroient premièrement, grans senglers ^ sonnans trompettes de guerre

1. Barbequennes , de barbacane, ouvrage avancé à créneaux, terme emprunté à l'architecture militaire.