Sangliers

bien et par ordre, puis, après iceulx retrais, lorsque ledit guet le dist, se monstrerent chievres jouans comme menestrelz très mélodieusement, tierchement, loups jouans de fleutes, et quartement, asnes qui chantèrent une chanson très plaisante ; et en la fin sallirent hors de ladicte tour six hommes en guise de singes, et dansèrent et firent merveilles.

Le mercredi, le premier venant sur les rens fut messire Jehan de Chassa, seigneur de Monnet, servi de quatre gentilzhommes habilliez de bien riches robes à façon de Turcs ; et estoient devant lui quatre Moriens* et sur ung gros cheval à panniers en avoit deux et ung fol jouans de divers instrumens, ledit cheval houssié de velours violet broudé de lettres d'or, et y avoit ung cheval houssié de velours cramoisy broudé de nuées d'or, sur lequel cheval seoit une pucelle vestue de drap de soye vert royée, à tout une grosse chainne d'or au col, habilliée à la manière de Turquie, laquelle dame menoit ledit chevalier, icellui vestu aussy comme Turcq ; sur son harnas, son cheval houssié de velours noir semé du hault en bas d'orfavrie viaulatre ; et avoit deux paiges à piet portans chausses et robes d'orfavrie branlant; et puis avoit quatre aultres aprez lui habilliez comme Turcqs de bien riches robes, chascun dart ou poing, et ceulx de devant aussi, qui estoit riche et nouvelle chose à veoir.

A rencontre dudit monsieur de Monnet vient monseigneur le bastart, houssié de drap d'or velours cramoisy bordé d'ermines.

Le second de ce jour fut monseigneur Jacques de