Sorte de satin tramé d^or

MÉMOIRES d'olivier DE LA MARCHE. 1SS9

Le tierch de ce jour, monseigneur de Renty, servi à ladicte jouste de monseigneur Adolf de Cleves, monseigneur Jacques de Luxembourg, monseigneur de Bievres, monseigneur de Fiennes et messire Jehan de Luxembourg, vestus de pour poins de damas noir, mantelines de satin blanc, à tout chainnes d'or aux colz ; lui houssié de velours noir, decopé tout en figure de 7 Y 7 monstrant sur satin blanc. Et avoit trois paiges portans porpoins de satin noir et mantelines de satin blanc, l'un houssié de drap d'or cramoisy, l'autre de velours bleu semé de tout a. b. c. d., etc., en brodure d'or, l'autre de drap d'or vert.

Et contre mondit seigneur de Renty joustà monseigneur le bastart, houssié de velours tané chargié en manière de testes de Uonsplattes tenant chascune teste ung aneau ront en sa bouche d'argent, bordé de tafetas vert.

Le jour meismes, après que monseigneur le duc et les dames eurent veu les joustes, ilz vindrent à ung très gracieulx bancquet qui estoit préparé au lieu que dessus, lequel, touchant le service, fut très grant, car on y servit de xxim mes. Et pour nouvelleté y ot sur les tables aultrefois dictes olifans, licorgnes, dromedaires et cherfs* grans et richement fais, chascun portans coffres sur le dos plains d'espicerie et homme dessus, chevauchant lesdictes bestes entresemées de paons et chisnes^ moult riches, toutes lesdictes armoiez des armes des seigneurs de la Toison d'or et de plusieurs aultres nobles. Et en tant con estois assis audit