Par-avant

fit la paix entre le Roy de France et le duc, qui donna moult grant joye à tous leurs pays.

Alors le duc, adverty du siège de Nancy, se hasta, à toute diligence, pour venir au secours de ses gens1 ; et vint faire ung logis es fauxbourgs de la ville de Tou2, et fut adverty que ses gens, qui estoient à Nancy, avoient rendu la ville es mains du duc Régné3 ; et fut par les Angloix, qui estoient les plus fors dedans Nancy, qui contraindirent messire Jehan de Rubempré à rendre ladicte ville; et estoit mort nouvellement ung gentilhomme4 compaignon angloix, nommé Jehannin Collepin5, et tant qu'il vesquit, il tint les Angloix ses compaignons en telle discipline qu'ilz n'eussent jamais rendu ladicte ville, ne tenu les termes qu'ilz tindrent audit messire Jehan de Rubempré6. Et en ce temps revindrent le conte de Gampobasse des marches de Flandres, et le conte de Ghimay, qui emmena les fiefs de Flandres, et estoient desjà une grosse bende ; et le duc de Bourgoingne retourna avec eulx, et revint mectre le siège devant Nancy 7 ; et commença la basture de gros engins de toutes pars, et ne demoura guieres que le conte de Gampobasse se partit du duc

1. Le 25 septembre 1476, le duc Charles quitta son camp de la Rivière où il s'était retiré après la déroute de Morat, et se dirigea par Besançon, Vesoul, Joinville, Bulgnéville et Neuchàteau, vers Toul où il arriva le 11 octobre.