Adolphe et Philippe Ho Glèves

celle seconde raison, les deux embassadeurs dessusdits avoient bien cause de poursuyre madicte dame ; et, à la vérité, madame la grande tint fort la main au filz de l'Empereur et au mariaige d'eulx deux ; lequel, adverty, descendit le Rin ; et je m'en allay avecques le seigneur du Fay et le seigneur d'Irlain ; et furent mes approches tellement faictes, que je fuz retenu grant et premier maistre d'hostel du filz de l'Empereur, lequel vint à Goulongne ; et de là il se tira à Gand, où il fut honnorablement receu et à grant triumphe ; et le soir, après soupper, monseigneur Maximilian, archiduc d'Austriche, vint veoir madamoiselle Marie de Bourgoingne ; et à l'aborder fut si grant foulle et si grant presse, qu'on ne sçavoitoù se saulver. Vindrent à la chambre à parer1, et là fut parlé du mariaige, et ne fut pas ce propos longuement tenu ; [car] tantost l'on fit venir ung evesque2, qui les fiança tous deux, et prindrent jour, au lendemain, de faire les nopces ; et lendemain au matin fut admenée madame nostre princesse, par deux chevalliers, ses subjectz, à savoir le conte de Ghimay et le seigneur de la Gruthuse, et devant elle, qui portoient les cierges, estoient min joncker de Gueldres et madamoiselle de Gueldres, sa sœur3, qui estoient lors deux beaux josnes enffans ; et fut toute la pompe qui fut faicte à marier le filz de