Vov. infrà, même chapitre et eh. xvi

la guerre estoit grande entre France et Bretaigne , et avoit le Roy des Rommains, par procureur, qui fut messire Wolfart de Polhem *, beau chevallier et homme de vertu, fait espouser la duchesse, héritière de Bretaigne2; et le Roy de France luy faisoit la guerre de toutes pars ; et croy bien que le Roy des Rommains ne fît pas si grant diligence à secourir et ayder la duchesse de Bretaigne comme il devoit ; et, durant ce temps, le prince d'Orange3, amy des François et des Bretons, se mit en practicque, et tellement practicqua que le Roy de France fut content d'espouser la duchesse de Bretaigne4, et la duchesse n'y mit pas grant contredit, et remonstra au Roy que, s'il avoit celle duchié de Bretaigne adjoincte à son royaulme, il povoit bien dire qu'il avoit faict une grande et riche conqueste ; et à la duchesse remonstroit à part que, s' elle estoit Royne de France, elle seroit la plus grande princesse du monde. Et ainsi furent accordez, et vint le Roy Charles à Nantes, fort accompaigné de nobles hommes et de beaulx gens d'armes, et prestement furent fiancez et espousez 5 ; et