Id., ch. ix

prestement passoientl'eaue; et ne doubtoient point les gens de chevaulx, car ilz estoient communément trois Suisses ensemble, ung picquenaire, ung colevrinier et ung arbalestrier ; et estoient si duictz de ce mestier, qu'ilz secouroient l'ung l'aultre au besoing ; et se bouta avecques eulx ung archier de corps du conte de Charrolois, nommé Savarot, qui se monstra moult bien avecques lesdits Suisses. Et ainsi se continuoitla guerre du costé de Conllans, et quasi tous les jours se tenoit conseil à Beaulté devant monseigneur de Berry et les aultres princes. Et tous les jours y alloient le duc de Calabre et le conte de Charrolois, armez et l'espée saincte ; et estoient habillez de journades pareilles, et sembloient bien deux princes et deux cappitaines qui desiroient plus le débat que la paix ; et toujours estoient ces deux princes d'oppinion de mener la guerre oultre, pour ce qu'ilz trouvoient le Roy de France variable en ses promesses. A ce conseil venoient les depputez de Paris, et nommément l'evesque de Paris, un moult notable clerc, frère de maistre Alain Ghartier l ; mais à nulle fois ne se peust trouver nulle bonne conclusion. D'aultre part le Roy de France, qui moult esloit soubtil en ses affaires, mist sus, de son cousté, ung parlement qui se tenoit à la Grange aux Marciers, assise assez près de Conflans2, et dont3 estoit chief

1. Guillaume Ghartier, évèque de Paris de 1447 à 1472. Lors de son premier séjour à Paris, le roi l'avait dépêché sans résultat vers le comte de Gharolais, et il le chargea de nouvelles négociations trois jours après son retour de Normandie (J. du Glercq, liv. V, ch. xxxvi et xl).

2. Gonf. Gommines, liv. I, ch. ix. — Elle était située au lieu qui se nomme aujourd'hui Bercy.

•3. « Et duquel parlement. »

monseigneur Charles, duc d'Anjou1. Et monseigneur de Berry et les princes y envoyèrent leurs depputez. Ettendoit icelluy parlement affin de trouver un expedientsur la reformacion du royaulme et sur le bien publicque, dont les princes faisoyent plaincte. Et en ce temps mourust madame Ysabel de Bourbon, contesse de Charrolois; et mourut à Anvers, et fut enterrée en l'abbaye de Sainct Michel, où elle gist moult notablement ensepulturée ; et fut le vingt sixiesme de septembre l'an mil quatre cens soixante cinq2. Et en ce temps furent prinses plusieurs trêves d'une partet d'aultre3 ; et durant lesdictes trêves nous allions à Paris faire grant chiere, pour nostre argent, où nous étions les très bien venuz. Et qui me demanderoit comment se trouvoient les vivres pour si grande et puissante armée qu'il y avoit à Paris et dehors, tant de gens d'armes comme de chevaulx, je respons certes que la cité de Paris estoit lors fort pleine de bledz et de vins, et fit grandement son prouffit de l'armée 4. D'aultre part le conte de Roussi, filz du conte de Sainct Pol5, avoit trouvé manière de soy bouter et tenir main forte dedans la ville de Laigny sur Marne, dont moult de biens et de pourveances vindrent aux princes, et à l'armée qui