Guillaume, landgrave de Hesse

bataille devant Gand et au millieu de Flandres, et qu'ilz veirent le Roy des Rommains hors de prison, ilz conclurent d'eulx en aller en Allemaigne et tindrent conseil pour laisser l'ung d'eulx au gouvernement de monseigneur Philippe, archiduc, et de ses pays, et conclurent de laisser le duc Albrech de Zasse1 lieutenant du Roy des Rommains ; car il failloit que le Roy retournast en Allemaigne, tant pour les affaires de l'Empereur, comme aussi pour certaine guerre particulière que l'Empereur et le Roy avoient, et dont je parleray cy après. Et certes ilz ne povoient laisser meilleur lieutenant ne gouverneur par deçà que le duc de Zasse; car il s'y est bien acquicté, et si loyaulment et si honorablement, qu'il en sera tousjours prisé et loué2.

Et sur ceste ordonnance, l'Empereur et les princes d' Allemaigne s'en retournèrent chascun en son pays3, et le duc de Zasse se trouva obey des grans et des petitz, et tellement se conduisit, que chascun le doubtoit et aimoit4 ; et au regard de monseigneur Philippe de Gleves, il fit la guerre avecques les François et