Avec

2. Du commencement de juillet 1491 au 18 septembre de la même année.

3. Une flotte anglaise, commandée par sir Edward Poynings, bloquait Le port de l'Écluse.

devant l'Escluse; mais peu y prouffitarent. Et en cedit temps monseigneur de Ravestain, père de messire Philippe, envoya ung officier d'armes, à présent roy d'armes de Hainnault, et manda audit messire Philippe, son filz, qu'il se depportast de celle guerre et qu'il fît appoinctement avec monseigneur1 l'archiduc, son prince, et ce dedans certains jours; et ou cas qu'il ne le faisoit, il luy declairoit qu'il feroit son héritier mondit seigneur2 l'archiduc, et que jamais il n'amenderoit de chose qu'il eust vaillant, et luy mandast pour la derreniere fois ce qu'il vouloit qu'il fit. Ledit messire Philippe fit rendre responce; mais il pensa sus au dommaige qu'il povoit avoir de désobéir à son père, et de là en avant fut plus gracieux en response qu'il n'avoit esté. Et le duc de Zasse poursuyvoit sa guerre et reconquesta Saintron, Tieulemon, Genespe et plusieurs aultres villes et chasteaulx. Et en ce temps le seigneur des Cordes, accompaigné de grant nombre de François, entra au West pays de Flandres, et s'arresta à Nieuport3 ; mais, à l'aide du souverain de Flandres, nommé messire Daniel de Morquerke4, et Denis de Morbecke, ladicte ville de Nieuport luy fut si bien deffendue qu'il n'y gaigna riens, et y fut ledit seigneur des Cordes blessié. Par quoy il convint qu'il s'en retournast en son quartier pour se faire guarir. Et ainsi fut le siège levé. Et