Pour

Bertin, [et] les principaulx et les plus riches des Allemans, et en tirarent de grans deniers, et encoires fut au bien venir qu'ilz ne les firent mourir en prison.

En ce temps se mist avecques ceulx de Gand ung mescanicque menant la charrue ; mais bel homme estoit et eust tantost auctorité à Gand1. Mais l'auctorité ne luy plaisoit guieres, comme bien le monstra ; car, entre les commissions que luy furent baillées, on luy bailla charge, avecques cinq cens hommes, d'aller garder le pont à Dunze2, et luy, qui avoit tousjours une volenté de quelque bien faire, quant il fut hors de la porte de Gand, il parla à ses gens et leur remonstra qu'on l'envoyoit et eulx avecques luy, afin qu'il fut tué, et sa compaignie ; car ilz n'estoient pas puissans de faire ce qu'on leur commandoit. Et conclurent d'eulx rentrer en la ville et de tuer tous ceulx qui leur vouldroient aucune chose demander; rentrarent en ladicte ville, et le premier qu'ilz rencontrarent fut Coppenolle3, qui leur dit assez maistrisamment A pourquoy ilz ne faisoient ce qui leur estoit commandé. Et le charruyer, qui estoit grant et puissant, hause 5 d'une hache et fiert 6 Coppenolle en la teste et le porte 7 par terre, et là fut assommé des gens dudit charruyer8,

1. Ce « mescanicque » s'appelait Arnould Declerc ; mais on le surnommait habituellement Capiteyn Ploughenare , c'est-à-dire capitaine laboureur.