Contre

et doy escripre. Item, est1 temps que j'escripve de ses haultz faitz ce que je n'ay pas veu, à cause de mon ancienneté ; mais je ne diray chose que je n'en soye bien acertené. Et fault entendre que le Roy s'en retourna en Allemaigne pour ayder à l'Empereur, son père, à recouvrer les terres que le Roy Mathias luy avoit prinses, et non pas seullement le royaulme de Honguerie , mais avoit conquis la pluspart d'Àustriche ; et advint que le Roy Mathias mourut2, auquel le Roy des Rommains avoit jà commencé la guerre, et en assez peu de temps le Roy des Rommains reconquit toute la duchié d'Austriche, où il acquist ung grant honneur, et puis se bouta en ce royaulme de Honguerie, où il trouva grant résistance, et vint devant la ville de Alberegale3, où il trouva deux des cappitaines du Roy Mathias 4 et bien huit cens combatans et gens de guerre, sans y comprendre ceulx de la ville, qui sont tous gens de deffense. Il fit assaillir Alberegale de toutes pars, et là eust de grans armes faictes d'une part et d'aultre, et là fit on plusieurs chevalliers nouveaulx, et y fut chevallier messire Hugues de Salins5, seigneur de Vincelle, bourguignon, et des