Philippe de Grèvecœur, seigneur d'Esquerdes

et ainsi se couloit le temps, et vivoit le Roy de France avecques le conte et le conte avecques le Roy.

Or avons nous devisé de la guerre et de la paix, et est temps que je devise comment exploicta monseigneur de Berry à prandre sa possession de la duchié de Normandie, à quoy le Roy avoit saigement pourveu, comme dit est; car prestement que le duc de Bretaigne fut entré à Rouan, plusieurs grans personnaiges, comme Jehan, monseigneur de Lorraine1 , et aultres, entrèrent en débat pour les grans offices ; etd'aultre part le duc de Bretaigne esloingna de luy Tanneguy du Chastel; et disoit on que c'estoit à l'appétit du seigneur de Lescut, Oudet de Rye2. Par ces bruillis, le duc de Berry n'entra point à Rouen , mais fut logé à Saincte Katerine du mont de Rouen3, et quant le Roy sceut et entendit les brouillis qui estoyent à Rouen, il s'aproucha à grosse armée, pour veoir et entendre à quoy celle chose prendroit fin ; et rappela en sa bonne grâce le duc de Bourbon, et le traicta bien, pour aux aultres donner à entendre que ceulx qui se rendroient à luy seroient amiablement traictez et receuz. Il entretenoit le conte de Gharrolois du mariaige dessusdit, et

\. Jean de Lorraine, comte d'Harcourt, père du comte Ferry II de Vaudemont, et « le principal gouverneur du nouveau duc de Normandie » (J. du Glercq, liv. V, ch. lui).