Se releva

5. On voit par cette phrase qu'Olivier de la Marche avait le proj.e1 de développer des mémoires que sa mort a laissés inachevés.

Et peult on entendre et sçavoir que ce josne prince se trouva en de granz affaires ; car le Roy des Rommains, son père, avoit la guerre au Roy de France et aux Gantois, et à messire Philippe de Gleves, porté et soubstenu du Roy de France. La guerre fut longue, et par ce moyen fut à l'arriére de deniers, et en granz sommes; et mesmement messire Frédéric1, duc de Zasse, qui bien le servit en son adversité, demandoit quatre cens mil escuz, qui est une grant partie. Il servoit bien, mais il vouloit estre bien payé2. Et fut trouvé ung moyen, que l'on bailleroit audit duc de Zasse le droit que monseigneur avoit et povoit avoir en la haulte Frize, que l'on dit l'ung des dix sept royaulmes chrestiens3, et le duc de Zasse conquist le pays à force d'armes , à l'ayde d'ung sien filz nommé Henry4, qui moult bien se porta en icelle guerre. Et ainsi fut monseigneur l'archiduc bien conseillé, et creut conseil; car par ce moyen il fut quicte d'une grande debte, et demourerent amys le duc de Zasse et luy. Mais le duc de Zasse ne vesquit guieres despuis, ains mourut de maladie 5, dont ce fut grant dommaige, car c'estoit ung vertueux prince.