Georges d'Yorck, duc de Clarence

4. Isabelle de Nevil, fille de Richard, comte de Warwick, mariée en 1469.

une nuict traversarent la mer et tirarent en France devers le Roy Loys, qui les receut amyablement, bien joyeulx de ce qu'ilz estoient venuz à gairand devers luy et en son royaulme1. Cestuy conte de Warvich fut homme saige et subtil en ses affaires , et entretint la cité de Londres et le royaulme d'Angleterre par trois voyes. La première par capperonnées 2 et par humilité fainte au peuple de Londres , dont il estoit moult aymé. Secondement il estoit maistre des cinq portz d'Angleterre, où il souffroit grans pillaiges3 faire; et jamais de son temps on nefitdroiten Angleterre à aucung estrangier de perte qu'il lui fust faicte ; parquoy il estoit aymé par les piliars d'Angleterre qu'il vouloit bien entretenir. Et tiercement il entretint la ville de Londres par tousjours y debvoir trois ou quatre cens mil escuz à diverses gens et à diverses parties ; et ceulx à qui il debvoit desiroient sa vie et sa prospérité, affin d'estre une fois payés de leur deu. Et en ce temps firent le Roy d'Angleterre et le duc de Rourgoingne une grosse armée par mer, dont fut chief pour les Angloix le seigneur d'Escailles 4, et pour le duc de Rourgoingne le seigneur de la Vere, conte de Grand Prel5, lequel estoit moult expérimenté en la mer. Et certes le duc de Rourgoingne fît son armée par mer sy grande et sy puissante de gens et de navieres, que c'estoit moult fiere chose à veoir. Et tira ceste armée à la Hogue Sainct Vas en Normandie, pour ce que les navieres du