Le patar valait 4 deniers

constre du connestable de France ; dont les François se tenoient serrez en leur ville et n'estoient pas conseillez d'eulx adventurer. Et1 ung marchant de Lille, nommé Gantois, envoya à monseigneur de Bourgoingne certain nombre de chariotz chargez de biscuyt et donna en peur don et byscuyt et le charroy, et fit icelluy biscuyt grant confort à l'ost. Et après avoir demouré douze jours devant Rouhan, le duc de Bourgoingne se conseilla, veu qu'il ne povoit finer la bataille, qu'il se retireroit ; ce qu'il fit à moult belle ordonnance, et retira contre Amyens2. Mais le connestable faisoit tousjours ses diligences et tellement qu'il se boutoit tousjours es villes ; dont le duc de Bourgoingne pouvoit peu proffiter ; et, à l'aborder qu'il fit devant Amiens, il y eust une grande escarmouche d'une part et d'aultre et plusieurs gens mors, François et Bourguignons.

En ce temps estoit venu3 devers le duc, Nicolas, filz du duc Jehan de Calabre*, en intencion d'avoir madame Marie, fille du duc Charles, en mariaige ; et, pour dire le vray, il y eust des promesses faictes par l'ordonnance du duc Charles ; et certes il avoit une bonne escadre de gens d'armes, et bien en point , et accompaigna le duc de Bourgoingne en toute celle raze,