Conf. Cummines, liv. II, ch. xiv

la maison de Bourgoingne ; et s'en retourna le Roy en son royaulme1, et les seigneurs des Cordes et d'Emeries s'en revindrent à Liège devers leur maistre. Le duc depescha à Liège ses embassadeurs pour aller en Bretaigne, pour signiffier à monseigneur de Berry et au duc ce qui avoit esté faict2; car par celle paix le duc de Berry devoit estre conte de Ghampaigne et de Brye, et sembloit qu'on luy avoit bien asseuré son fait, veu qu'il estoit en Ghampaigne, et au plus près du duc de Bourgoingne, pour en avoir secours et ayde si besoing en avoit. Mais monseigneur de Berry ne voulut point tenir cest appointement ; [ains] marchanda avec le Roy, son frère, pour estre duc de Guyenne ; ce qui luy fut liberallement accordé ; dont deppuis il mourut piteusement3, par soy trop fier au Roy, son frère. Ainsi fut ceste paix faicte entre le Roy de France et le duc de Bourgoingne , dont tous les pays furent moult resjouys.