Mot omis dans les précédentes éditions

ville de Liens ' , qui estoit en grant nécessité ; et me bailla le duc pour renfort le visconte de Soissons, nepveur de monseigneur de Moreu, qui menoit une bonne bande d'archiers à pied. Il me bailla environ cent hommes d'armes ytaliens; et si me bailla messire Phelippe de Bergues, qui menoit et conduisoit cent lances ; et en celluy pays, qui estoit hors de nostre congnoissance, nous feusmes conduictz par messire Euvrard de la Marche 2, qui nous livra les vivres et les chevaulx pour pourter le ravitaillement de Liens, comme dit est; et une froide matinée nous nous trouvasmes sur la montaigne d'ung vignoble, où nous tinsmes conseil qu'il estoit de faire. Le seigneur de Harembergh, qui nous avoit fait venir, ne nous osoit advanturer, et touteffois nous voulions faire et essayer ce pourquoy nous estions venuz, et sur le point du jour nous mena messire Euvrard sur une haulte montaigne, duquel lieu l'on povoit veoir la ville de Liens, qui siet de l'aultre cousté du Rin ; et si pouvoit on veoir la puissance de l'empire là logée, et qui tenoit le siège devant ledit Liens ; et d'ung cousté y avoit une ville, et de l'aultre costé3 y avoit un villaige. En ladicte ville estoit logié l'evesque de Tresves 4 et sa puissance, et en ce gros villaige estoit logié la puissance du duc de Zasse 5; mais il n'y estoit point logié G en per-

1. « Lintz, » ville située à 6 lieues de Coblentz, sur la rive droite du Rhin.