Audrenac. » Antlernach, près Lintz
que nos dits gens de pied se retiroient d'entre iceulx du boulevart, par inconvénient se bouta le feu en la pouldre d'une couleuvrine, qui fit tantost ung grant effroy panny le boulevart, et cuidarent noz genz que ceulx dudit boulevart eussent bruslez toute leur pouldre. Se retourna chascun celle part, en cryant : « A l'assault ! à l'assault !» et en peu de heure fut ledit boulevart gaigné d'assault, et tué dedans plus de cent ou six vingtz hommes de deffense. Noz archiers trouvarent audit boulevart bon vin de Rin et largement, et ne les pouvoit on retirer de la mangeoire ; et ainsi fut le boulevart gaigné, et tousjours s'entretenoit l'escarmouche grosse et planiere entre les deux fors ; et, à la plus grant diligence qu'il estoit possible, je retiray ceulx du boulevart et y eust chevaliers faiz, et une très belle besoingne. En la ville de Liens entra messire Lancelot de Barlemont, qui leur pourta argent pour leurs souldées; il leur mena vivres, comme vous avez ouy, et les renforça de gens et d'artillerie ; et aultre secours ne leur pouvions faire ; et messire Euvrard passa l'eaue pour parler et accouraiger ceulx de la ville ; mais riens n'y valut ; car les gens de l'Empereur entrarent en ladicte ville à demy en parlementant, et fut ladicte ville pillée et mise à saquement, si tost que nous feusmes eslongnés du lieu. Les Allemans du duc de Zasse avoient gaignez la montaigne par où nous estions passé ; mais en nostre retour nous regaignasmes le passaige sur eulx, et y eust de belles armes faictes ; et se retira chascun en son quartier et soubz son enseigne, et remontasmes la montaigne comme nous estions venuz ; et ne perdismes, la grâce Dieu, nul homme ; et nous en retournasmes sainctz et saufz
celluy soir chascun gésir en son logis, et pour ce que nous ouysmes dire que messire Guillaume d'Aremberch l avoit contresiegé les gens du duc de Bourgoingne par l'aultre costé de la rivière du Rin, et bastoient nos gens d'artillerie, nous nous en alasmes le lendemain matin, et retournasmes devers le duc, en bon vouloir de luy faire service. Mais ledit messire Guillaume s'abusoit, car le duc de Bourgoingne avoit meilleure artillerie et meilleurs canonniers que n'avoit ledit messire Guillaume ; et ainsi retourna chascun en son logis ; et ne demeura guieres depuis nostre parlement que nous fusmes advertiz que ceulx de Liens avoient perdu leur ville, et que les Allemans y estoient entrez, et y moururent beaucop de noz genz.
Ainsy fut la ville de Liens ravictaillée, et puis prinse ; et nous sceut le duc moult grant grée de la diligence et exécution que nous avyons faicte ; et ne demeura guieres que ung débat se meust aux logis entre les Angloix et les Ytaliens, et , à la vérité, les Angloix avoient le pire, car toutes les nacions se joindoient avec les Ytaliens. Mais le duc de Bourgoingne chevaleureusement, l'espée au poing, se mist entre deux, et appaisa le débat, qui estoit bien dangereux. Et, pour vous donner à entendre, ce siège de Nuz dura par tous les mois de l'an si planteureulx de tous vivres et de tous biens, que l'on y estoit comme en une bonne ville, et y trouvoit on draps de toutes sortes, espices pour medicines, et toutes choses qu'on peult demander 2.
1. Dit le Sanglier des Ardennes, frère d'Evrard de la Mark, ci-dessus nommé. -
2. D'après le ms. Bibl. nat., n° 1278, le marché était vers « la closture du camp du costé de Goulongne. » Il y avait « draperies,
L'artillerie bastoit les murailles, et souvent y avoit de grans escarmouches. Les approuches se faisoient si près les ungs des aultres, qu'il n'estoit jour qu'ilz ne combatissent. Les Allcmans vindrent loger à Uquerocq, ung chasteau qui est à ung quart de lieue de la ville de Nuz et appartient au bastard de Gueldres ; et si prindrent 4 ung tas de paysans, qui portoient2 chascun deux bissacz, l'ung plain de pouldre et l'aultre de sel, et se vindrent3 gecter entre les murailles et les doulves, et ceulx de la ville les tirarent dedans, et firent grant joye de leur venue, car ilz avoient nécessitez ; et fut ce ravitaillement faict par inconvénient et par ung grant froit. Et estoit venu le Roy de Dannemarch4, accompaigné de quatre ducz5, pour parler au duc de Bourgoingne, et pour paciffier le débat qui estoit entre l'Empereur et le duc ; et luy alla le duc au devant bien une lieue, et fut si tart quant les gens d'armes revindrent en leur logis, que le guect en valut
inercheries, ouvriers mécaniques, bouchers, taverniers, cabarets, ordonnés par rues et ordres comme si ce fust une bonne ville, à si grant largesse de tous biens que ne falloit aller aultre part pour avoir chose qui fust nécessaire. »
