Deux mots omis dans les éditions précédentes

ma mémoire. La première fut comment Dieu accompaigna Adam et Eve en paradis terrestre, selon Genesis1 .

« La seconde, comment Gleopatra fut donnée en mariaige au Roy Alexandre; et ainsi s'entretenoient les histoires au propoz, jusques l'on vint devant l'hostel de monseigneur.

« Devant ledit hostel avoit ung riche tableau tout paint d'or et d'asur2, au millieu duquel avoit deux lions eslevez, tenans ung escu armoyé des armes de monseigneur de Bourgoingne ; et à l'entour dudit tableau avoit douze blasons des armes des pays de mondit seigneur, tant des duchiés que des contez ; et au dessus du tabernacle estoit à ung des costez sainct Andrieu, et à l'aultre sainct George, et au dessoubz dudit tableau estoient les fusilz pour devise, et le mot de mondit seigneur, qui dit : « Je l'ay emprins. » Deçà et delà dudit tableau avoit deux archiers richement paints et eslevez. L'ung estoit ung Grec tirant d'un arc turquois, et parmy le bout de son traict saillit vin de Beaulne, autant comme la feste dura; et de l'aultre costé estoit3 ung Allemant tirant d'ung crannequin,