ÉTATS DE ROUERGUE À VILLEFRANCHE

aucunnes armes défendues, à la ville ni aus champs et que dens la ville, ne ussent à porter spée ni dague, à la peine l’estre convencus de crime. De faict, il treva deus Papistes que portoient dague, lesquelles il leur dosta, tellement que aïant faict lur prossès, il les pendit per les cordes de lur borsse, sens autre mal *; vous assurant qu'il emporta de la ville plus de mille scuts per ceste fois. Il emporta toutes les prossedures au Conselh du roi. Mais despuis l’on n'en hoït parler plus ; il laissa le lieu que l’on prechoit, perce que ne s’en treva de plus comode per faire l’exercice de la Religon, au grant regret des Papistes; et s’en ala le 23 octouhre 1565 1.

1425. — Etats de Rouergue à Villefranche (décembre). — Election des consuls à Millau {6 janvier 1566). — Le 27 de désembre 1565, mossur de Monluc, comme visroi du païs de la Guienne, il manda messive aux consuls de Millau que les Estats de Rouergue se devoient tenir à Villefranche-de-Rouergue et qu'ils s’i trovassent 12 hommes: six Catholiques et six de la Religon, et que au couté de iceus i feüst le juge de ladicte ville et Pégurier, percureur du roi en la ville de Milhau?2. Laquelle chose les uns trovarent bonne, les autres non. Toutesfois ledict Milhau i manda.

De faict, le peuple des communes et touts ceus que i devoient estre estans assemblés, feüst arresté que les choses seroient déduictes per articles affin de faire les choses per renc : — Et premièrement que les ministres ne tiendroient point de concisioire, comme ïils ont accostummé, ains que lurs causes seroient déduictes per six hommes de bien, approvés tels, et que sela se feroit sulement en forme d'exortation, non poinct per commendement, que au pr{éaljable ne ussent communiqué aus magistrats des villes là ont est la Religon, ou i estre assistent, volans dire que en sela le Roi i estoipt intéressé ;