PILLAGE DE L'HOPITAL D'AUBRAC

laquelle mosur de Sainct-Romme de Milhau 1: perdit son chival, que feüst blessé de l’arquebusade. Dont, per lors, il tua un soldat papiste, sens nul de blessé de la Religion.

202.— Démolition de la flèche du clocher de Millau (23 août). — Le 23 dudit mois, en ceste ville, firent tumber l'aguilhe du clocher que estoibt de pierre de talhe, au bout duquel i avoict un grant quoc de cuivre crus, dens lequel il avoit plusieurs reliques, portans chescune son script, entre autres disoient : Es{ de la Verge, de Moïse, chose impossible : car il avoit plus de trois mille el cent ans et n’avoict pas trois cens ans que Milhau estoibt basti. Telement que fust une grant irrision au peuple 1.

203. — Le capilaine Moreau prend et livre au pillage l'Hôpilal d’Aubrac (fin août). — Le 29 dudit mois, le capitaine Moreu, guoverneur dudit Milhau, fist aprester 300 arcabosiers et six vins civaus per marcher, sens que personne seüst ont aloient, jusques qu'ils feürent en Aubrac, en Auvergne 2; tellement que estans dedens, ils pillarent

tout ce que peürent, firent prisonniers quelques prestres que treuvarent dedens, de faïson qu'ils en urent ranson grande. Les soldats que estoient en guarnison dedens s’enfoirent. De faict, cant ledit Moreu eust pilhé reliques, capes de velors, calices, or et * argent et tapisserie et toute sorte d'utensilhe de maison riche, de faict, ledit Moreu, aïant faict son emplète, ïl se asta de s’en aler, faisant marcher les soldats per forse, lesquels bonnement ne