PRISE DE MAZÈRES

sèrent jamais aprocher, pensent qu'il i eüst tronperie. Or, tougious ils se efforsoient d’entrer per la canonièire qu’ils avoient rompue, tellement que un soldat volant entrer per ledit pertuis, lui balharent un{e] arcabosade sus un bras. Or, voiant que per forse ne povoient entrer, avec flateries à selui que guardoit le pertuis lui promisrent de lui salver la vie et que les laisast entrer, de faisson que lui, se voïant sulet en ce passage, quelque fraïeur le print. De faict, entrarent per ledict pertuis ; tellement que incontinent que furent entrés, misrent les deus au trenchant de l’espée et à l’autre lui salvarent la vie come lui avoient promis. — Sesci est escript per servir d'exemple en telles choses.

205. — Capitulalion de Mazères (octobre). — En ce dit mois octoubre, Masères ! , en la conté de Foix, deus lieues de Pamiés, feust assiégée per mossur Denvile, estant guoverneur du pais de Lenguedoc ; tellement que les habitans dudict Masères se défendoient vallamment, de sorte qu'ils murtrirent since cens homes, o plus, per diverses sorties qu'ils faisoient contr les assigans Papistes ; non poinct que aussi dudit Masère n’en moreüssent quelques uns. De faict, aïant bien combateü per plusieurs fois, se fachant, car les vivres leur defalhoibt ; et aussi les Papistes se fachoient d'autre part ; joint aussi que beaucoup de gens leur estoient morts, que aussi avoient demeuré longtemps, que feüst cause qu'il vindrent à composition, s’est : que touts les abitans vuidaroient la ville, leurs vies salves, et les laissaroient passer, sens aulcun danger. De faict, ils furent contens, proveü que les laisasent sortir, bagues salves, avec leurs femes et enfans. Dont, sela lur fust octroïé, telement qu'ils s'en alèrent avec lur .e mes et enfans, armes, baguage, or et argent, et tout ce que lur pleüt, sens que personne leur fit ni disse rien ; vous assurant que s'ils eüssent atendu deux jorns, le camp se levoit de devant.

1. Mazères fut assiégé le 5 octobre par Damville. Les assiégés se défendirent avec la dernière énergie. La ville capitula, le 18, après avoir subi deux assauts ct 1845 coups de canon. Les habitants se retirérent à Puylaurens avec armes ct bagages. Mémoires de J. Gaches (éd. Pradel) 97-99 ; Hist. de Languedoc, XI, 521.

206. — Balaille de Monconlour (octobre). — * En ce dit mois, batalhe fust balhée entre le camp du Roi et des Princes ; tellement qu'il i eüst grande oxision d’unne part et d’autre. Dont, la victoire fust au Roi, per se que les casaques blanches le queur lur falit et s’en foiïrent, que estoient Francimans ; vous assurant que s'ils eüssent teneü bon, la chose fust mieus alé : car les lansecanets et Souis! tendrent bon et ne se fussent jamais rendeüs, si ne feüst que Îlur misrent toute l'artilherie devant, tellement que les misrent touts en piesses; de sorte que les Papistes eürent la victoire crians : « Sauve les François ! » ?.

207. — Les Calvinistes Cevenols prennent Nimes par surprise (novembre). — Au mois de noembre 1569, Nismes feust reprins per seus de la Religon 3; car i avoict un moinier que, pendent que un maréchal, que avoict près d'un rigat, là on passoit l’aue dans la ville, le maréchal forgeoit soir et matin, ledict moinier, avec une lime rompit ledict rigeat, sens que persone s'en aperseüt rien. De faict, aïant rompeü ledict rigeat, il manda en Savenes. Dont, vindre[nt] six vins homes à l'eslite, lesquels entrèrent per le pertus dudit grilhat ; telement que, de nuict, ils prindrent une ronde et lui firent dire le mot de guet, tellemant que après avoir aeù le mot, le tuarent et passèrent per toute la muralhe, de sorte qu'ils coparent la guorge aus corps-de-guarde et sentineles. De faict, son-