LA CASE À MILLAU

et enuits à Milhau, joint aussi qu’il avoict esté de la Religon et per malicie avoit esté révolté.

Ores, estant mort ledit Saliès, l’on mist le fu au molin et à la maison ; de sorte qu'ils se voïant brusler, fust forse qu'ils sortissent et l'on les mist touts au trenchant de l’espéie, que en i eüst de morts trente sept et plusieurs de blessés en fuiant ; et de seus de la Religon,i en morut sept. Bien est verai que l'on en fist un prisonier per recobrer La Pome qu'estoit prisonnier dens Combpierre.

213. — Le sieur de La Case à Millau et à Saint-Affrique (juillet). — * Or, après que ceste sca[ra]moche feüst donée aldit Compierre, les Papistes se renforsèrent plus que peravant. Bien est verai qu'ils craignoient un peu davantage. De faict, voiant que les Papistes oppressoient encores Millau, la ville se mist en devoir de mander à mossur de La Case, que estoit guoverneur général de toutes les Esglises de la Guaule, qu'estoit en Savènes, que s’il estoit son bon plaisir de nous venir donner aïde et secours de ceste oppression en laquele Milhau estoibt des environs papistes, et que menasse forces avec lui, car les canons estoient totz prests.

De faict, il promist de venir et vint le 6 juillet 1570, avec catre cens chivaus, telement qu'ils rongèrent la ville per l’espace de six jorns, sens faire rien de bon, joint aussi que le governeur de Milhau ni la noblesse des environs ne lui consellarent pas, car ils disoient que : « Si une fois les gens de Milhau se sont eslargis, ils n'auront plus à

1. Pons de Pons, s. de La Caze-Mirambeau, sénéchal des Landes et de Marsan, ancien gouverneur du prince de Béarn, chef du parti des Réformés en Langucdoc depuis 1570. Des actes lui attribuent le titre de « lieutenant général pour le roy au présent pays de Guvenne et de Lenguedoc, en l'absence de Messei- #neurs les princes de Navarre et de Condé ». A. d'Aubigné, Hist. univ., TIE, 161- 162 ; Haag, VIII, 289 ; Jlist. de Languedoc, NI, 529, 531. — Au mois d'avril 1570, les habitants de Millau avaient adressé au s. de La Case une requète lui demandant que le capitaine Moreau fut continué dans sa charge de gouverneur, que Millau fut déchargé de diverses impositions, ete. Les princes (Nimes, 12 avril et les. de La Case (Millau, 7 juillet) accordèrent aux habitants de Millau la plupart de lcurs demandes. Arch. comm. de Millau, CC 41 ( invent.1,2 pièces orig. pap. reliées ensemble ; EE 32 (2 invent.). — Arch. comm, de Saint-Affrique, BB 14, fol. 61 et suiv.; fol. 113-116 (19 févr. 1576).

* Fol. 91 r°.

faire de nous et tiendront non plus conte de nous que de non rien », mesmes les guarnisons de ladicte ville, car ils n'estoient bons que à manger et dormir et n'estoient que couvart{s] bisoignés ; de sorte que quant nous eût rongés et mangés, ledict La Case s’en ala avec toutes ces gens et print les guarnisons de Milhau, droict à Seincte-Frique !, sens acomplir la promesse qu’il avoict faicte.

Telement qu'estant à Seincte-Frique, ne le volsirent pas recevoir, mais lui dirent que s’il voloit entrer avec vingt homes, qu'ils le recevroient honorablement. De faict, ledict La Case refusa de entrer que, au prélable, il ne entresse avec toutes les compaignies qu'il menoit avec lui, car il venoit là per tenir les stats du païs de Ia Haulte-Marche de Rouergue per seus de la Religon. De faict, ledit La Case se retira à Vabre et toutes les compaignies qu'’estoient avec lui.

De faict, ils se misrent à foler leurs vignes, ïls en aportoient touts les blets et fruits dudit Seincte-Frique, car les bleds estoient encores ès champs perce que l’année estoibt tardive. *“ De faict, les habitants de Seincte- Frique voïant qu'ils estoient folés einci desordonnément per ledit de La Case, que l'on le prioit de les traicter plus dolcement et que si estoibl son bon plaisir de entrer dedens, avec son train sulement, qu'il seroit receü.

De faict, ceus de Seincte-Frique derechef voïant que ledit de La Case continuelement ne cessoit de lur emporter les bleds et guaster les vignes, ils tornèrent mander aldict de La Case, le priant ne Îur guaster point leurs fruits, mais que s'il lui plaisoibt de venir, qu'il seroit le bien veneü, comme à lui lui plairoibt. Ores, estoit dedens Seincte-Frique mossur de Montagut, home superbe ; [il] seüt que ledict de La Case venoit à Seincte-Frique, il print un nombre d’arcabosiers q'estoient dedens Seincte- Frique et s'en ala aveques lesdits soldats en son chasteau.

De faict, ledict de La Case estant entré dens Seincte- Frique, il fist prisoniés catre des principaux de Seincte- Frique, lesquels compdemna à paier trois mille livres et sinc cens livres per le renborsement des despens que le-

1. Arch. comm. de Saint-Affrique,, BB 14, fol. 61, 71 et suiv. * Fol. 91 ve,