L'HIVER DE

biens, reveneüs et possetions et honneurs, comme ils estoient per avant ; joinct aussi que per exercer l'office devin ils requéroient un lieu per exercer lurdit office. « Car d'autant que touts les temples sont ruinés et autres lieus ; de rechef, je vous requiers un lieu commode per ce faire. » Les consuls entendent que ceste réquesition se fesoipt plustost per une susprinse que per dévotion de lur masque, telement qu'ils ne serchoient sinon quelque moïen de désobéissence, de faict, les consuls lur octroia lieu tels qu’ils requéroient commode. De faict, ils requirent le temple de Martin ; de faict, les consuls lui octroïèrent. Dont, incontinent les saisirent des cliefs dudit temple. Dont, le digmenche après, i firent lur office devin !.

224. — L'hiver de 1570-1571. — En ce temps mesmes, stant en ivern, !l fist grant abondance de nèges, pluies, vents ; element que il tomba de nège en si grant abondence, de sorte que ici-bas, en avoit environ catre pams à tout plan pais. Dont, i demura * telement, que en ce temps, home vivent ne avoict veü, de ce temps, un si fort ivern, de sorte que l’on ne povoit aler aus champs. Car aussi en la Montaigne, en i avoict environ x11 pams; tellement que il i avoict de lieus que les maisons estoient perdues, que la neige les avoit cubertes.

Dont, furent costreinis de fouoir la neige entre deus nèges, per passer, aler quérir d'eaue per boire et de bois per se chaufer. Dont, le bestial moroit de fein et de soif, et plusieurs aussi d’homimes qu'estoient per les bestes sauvages devorés, per peu que s'escarlassent ; de sorte que livern dura casi en apvril. Dont, les arondeles ne vin-