MÉMOIRES D'UN CALVINISTE 45'7À
est en bonne amitié et passification. » Vous assurant que ledit Rescalon estoibt cause que ledit de Vilars s’estoibt trensporté en ladite ville, se pensant qu'il le fisse capitaine o guoverneur de ladite ville ; tellement que ledict de Vilars, nonobstant qu'il fust entièrement contraire à la Religon, si coneüst-il que ledit Rascalon estoibt particulhèrement conduit per une malvaise afection contre Milhau. Ledit de Vilars conoissant sela, dit au commissaire : « Passés outre et faictes comme les messieurs de la Religon reformée vous diront. »
De faict, ceste audience fut teneüe dens la maison de la ville, de sorle que après toutes choses déduictes, l'on balha les noms * des consuls noveaux de ceste année ; telement que per ledit commissaire feust concleu qu’il i auroibt deus consuls papistes et dus consuls de la Religon ; et que, d'autant que ceste année les Catholiques sont en première plasse, l’année que vient seus de la Religon seroient premiers; telement que ceste sentence ne fust pas agréable aux Papistes, car ils feürent stonnés et furent confus en lurs et touts afaires.
Or, les consuls étant créés, lesdictes parties ne povoient venir ni entrer en lurs entreprinses : car estoient touts casi ensensés de rage contre la Religon. De faict, ils assallirent seus de la Religon, d'autre costé, disent que « le temple que lesdits de la Religon possèdent n'est pas à heus, car il apertient aus Catholiques et de droit, le doivent avoir per exercer l'office devin, parce qu'ils nous ont ruinés nous temples et touls nous autels ; tellement qu'iflls en ont basti lur temple, des pieres que sont issues de nous églises. » De faict, le commissaire entendent lur demandes estants frivoles, les interroga disant : « Si le temple que vous requerés est basti en lieu que soipt esté vostre, ou le fons soibt esté le temps passé à vous, o bien l'aïés possedé jamais ? » ; — respondant : « Non. » — Aussi furent enquis lesdits Catholiques s'ils avoient basti ledit temple à Iurs despens o bien s'ils l’avoient achepté, respondent : « Non. » De faict, ledit comissaire voïant leur bestise, il s’en ensuivil sentence disent que « d'autant que la plasse ne avoict esté lur, ni l’avoient basti ni achepté
* Fol. 96 r°.
