MEURTRE DE PLUSIEURS GENTILSHOMMES
seilh et que per ceste cause il l’eùüst mandé sercher, joint aussi que le roi de Navarre ne savoient pas la mort dudit Admiralh, ni personne de la noblesse, ne qui aulcun d'eux pensasse à la trhaïson du Roi.
De faict, incontinent que le roi de Navarre et prince Conté furent dens la chambre, le roi Charles s’escria en blasfemant Dieu : « Tués tout, tués, mes enfans, que nul n'en eschappe ! » De faict, le Roi, d’une butée, la porte de la chambre se ferma ; dont, le roi de Navarre et prince de Condé feûrent prisonniers. Tellement que ledit de Navarre e de Condé ! furent en grant esfrai. Mais la Reine mère estoit dedens et dict : «a Ne dobtés rien, mais bien vous vaut, cant vous avés ma fille, car sans sela vous fussiès mort, aussi bien que les autres ». De sorte que incontinent que la Reine eüst dict : « Tués! », des chambres, et de plusieurs pars, sortirent gens en armes, telement que touts seuls qu’estoient là, dens la sale de Luvre, à grans coups d'alebarde, massacrarent tout, sens que nul eschappasse. Bien est verai que un grant seigneur eschapa tout navré casi jusques la mort, de faict, fuiïant, rencontra la porte de la chambre de la sur du Roi, feme du roi de Navarre, tellement qu'il forsa la porte et entra dedens et se rendit auprès de son lict, s’escriant : « Madame, salvés moi la vie, car je suis tout sanglant et encores l’on me porsuit per me oster du tout la vie! » Telement que ladite reine de Navarre, novellement esposée, se mist à crier, de sorte que les porsuivens oïans crier ladite dame, ne ausèrent pas entrer dans la chambre mais se retirèrent 2.
231. — Meurtre de La Rochefoucauld et de Téligny. — " Ce soir mesmes, mossur de La Rochefocaut, un grant seigneur, estant aimé du roi Charles, se jouant jornellement avec lui, come estant son mignon, à la
1. Sur la conduite de Condé, v. le récit du duc d'Aumale, Jlist. des princes de Condé, II, 98 et suiv.
2. I s'agit de Gaston de Lévis, vic. de Levran. D'Aubigné, III, 325 ; Mém. de Marguerite de Valois, (éd. Lalanne), 33; Lettr. de Cath. de Médicis, IV, Introd., LXXXVIIL.
* Fol, 100 re.
veüe de l’homme, comme du per à compaignon, de sorte que tout le jorn pacé avoient passé le temps ensemble joïieusement, sens que jamais l'on coneüst au Roi quelque malicie contre Jui ne autres. Mais il la tenoibt cachée dedens son queur, feignant toutgorn son mal en bien ; tellement que le soir, que chescun se volant retirer, le Roi le volsit faire cocher dens sa chambre ; de sorte que ledit La Roche ne i volsist hobéir per sertaines raisons que ledit La Rorhe lui déduit. Enfin ledit La Roche pria le Roi de lui balher congé; tellement que avant que lui bailler congé, le Roi le print en l'embrassant lui dona un baisé à la joue, que fust un baiser de trhaïson lui disant : « Adieu La Roche ! car demein matin je te viendrai trever ; dont, si je te treve dans le lict, je te fesserai. » De sorte qu'ils se despartirent joïieusement l'un de l’autre, sens que ledit La Roche pencesse en la trhaïson. Or, estant ledict La Rochefocaut en sa chambre, dens son lict, environ la demi-nuict, les gens du Roi vindrent droict la chambre dudict La Roche, car il lugeit dens Levre. De faict, ils urtarent à la porte, de sorte qu’il pensa que se fust le Roi que vinse per le fesser, come le Roi lui avoict dict le soir en leur despartement. De faict, il se leva et vestit une robe, tout en chemise et fist ovrir la porte de sa chambre ; tellement que incontinent que ces massacreurs furent dedens se ruërent sus lui per le murtrir. De faict, ledict seigneur, avec son espée, défendoibt les coups que l'on fui ruoibt, se pensent qu'ils se joassent per passer le temps. De faict, les murtriers le persuivirent tosjorns en blasfémant Dieu disant : « Le Roi nous a mandés ici per le tuer; dont, fault que tu meures, à s't ure ici ! » Il demanda si le Roi i estoibt. — Ils dirent : « Non ! ». Pers lors, il coneüst que i avoict trhaïson. « Or bien donc, * puisque fault que je meure, le Scigneur en soibt loué ! Mais je vois à s't ure la desloïaulté du Roi et la trhaïson qu'il comet à Dieu et à son peuple; car rien de bien ne lui adviendra ; Car au soir cant nous despartimes, il me donna un baiser, en moi embrassant, de trhaïson ; dont seule- * Fol. 100 ve.
