LE MINISTRE DE VAUX EN ALLEMAGNE

sent bien que toutes les villes de la Religon lui résistoient en barbe, sens que personne lui volsist hobéir, mesmes les villes cappitales, le susdit Denville serchoipt per touts moiens de entrer en accord avec la ville de Nismes. De faict, ledit Denville manda à Nismes disent : « Messieurs, vous savès trop et mieus que inimitiés et désacord n'est pas bonne paix, qu'est la cause que je vous mende per le présent que afin que nous vivions en bonne paix et acort de vous et moi, ne ferès faute de venir per parlementer ensemble, per veoir de vivre en paix et portarès les articles tels que soient raisonnables, car je les vous accorderai sens rien diminuer. » De faict, seulx de Nismes lui firent response : que n’ina rien de milheur que la paix et que c'est chose juste et plus que raisonnable, qu'est de vivre en iselle: car nous susmes touts en un Dieu subjects et soubs l’hobéisence de un prince. « Mais nonobstant la bonne volenté que nous avons de vivre en paix, si esse que de nous mesmes nous ne le povons faire que au préable, nous n’aions adveu et consentement de toutes les Esglises de la France, comme estans touts d’unne Religon, veü aussi que susmes aliés et hunnis ensemble ; joint aussi avons fraires fugitifs, que sont en Alamaigne per raison des cruels massacres et tiranies faits dens Paris et autres villes, per toute la Guaule. Dont, per ceste cause, se il vous plaist nous balher passeport, nous les avertirons du faict, ensemble * toutes les Esglises 1. »

De faict, ledict Denville lur baïlla passeport incontinent et lur balla terme per en communiquer, per tout le mois de inai, per lui en rendre response. Dont, per ceste cause, un ministre de Nismes vint à Millau per en communiquer avec les habilans et autres Esglises. Dont, feüst conclu et aresté que mossur de Vaux, ministre de Milhau, ct un habitant de ladite ville se transporteroient jusques à Nismes per en faire entière résolution. De faict, estans à Nismes, fust conclu et aresté que ledict de Vaus iroipt faire le voiïage

1. L'histoire de Languedoc, (XI, 562, note 2), mentionne seulement une tréve, d'un mois accordée aux Huguenots du Languedoc.

* Fol. 111 ve

en Alemaigne avec le fils d’un président de Beaucaire. Dont, estans partis, i demeurèrent longtemps !.

268. — Exploits el mort du bâtard de Sénaret (mai). — En ce demi mois de mai 1573, en la Montaigne, près de Guallac 2, se esleva un capitaine papiste lequel se disoipt estre des gens de mossur de Senaret ; bien est vrai qu'il estoibt son bastart, dudit Senaret. De faict, ils estans campés per ladicte Montaigne, ses gens faisoient grandes extorcions et cruautés à tout le peubple ; de sorte qu'ils prenoient femes per force ; ils violarent filles tellement que plusieur en moreüst per ces violemens. Encores faisoient pis car ils prenoient les homînes per les parties onteuses et les mectans sus un bois avec un glaive à la main, les mectant à l'incant, de sorte qu'il falloipt que fussent les derniers surdisens, comme ces guarnemens voloient ; telement qu'il falloit qu’ils païassent la surdicte, à la peine que le lur copoient, s'ils ne balloient argent. De faict, le païs se reconeüst. Dont, voians que s’estoient de gens pervers et iniques, touts gens de bien et bons personnages furent esmeüs, les uns de pitié, les autres de colère, tant d'une religon que d'autre. De faict, voïant ceste barbarie tant hinhummaine, les deus religons se accordèrent, tant Calholiques que de la Religon réformée, mesmes de Milhau i alèrent secretement * ; tellement que ces guarnemens furent prins en plate campagne ; de sorte que les aïans mis au milheur d’entre deus, leur donnèrent sus, en telle roideur qu’il en moreüt de ces guarnemens soixante o plus, de bon conte. De faict, les restes feust tout mis en déroute, tellement que les païsans desfirent les résideü, tans qu'ils en peürent trover, desquels en eschapèrent bien peus. Mais cant à nostre parti, i en eüst deus de blecés, mais l'aun en moreüt, sens plus.

1. Arch. comm. de Millau, BB 3 (1° invent.) fol. 193 (1 mai) ; CC 466 (1“ invent.), fol. 92. Gaches et de Vaux envoyés à Nimes (mai 1573). — Cf. Mém. de M. de la Iuguerye, 1, 160-161.