PRISE DE SERRES EN DAUPHINÉ

cordée ceste paix pernicieuse, le peisson sive manne que leur estoibt apareü dens la mer, incontinent s’esvanoit et n'en visrent jamais plus. Or, après, de faict, l'Eglise de Montalban se acorda en ceste paix de la mesmes forme que La Rouchele, comme estans enclos dens les articles, sens que les Esglises peüsent savoir per coi. Toutesfois ils disoient qu'ils estoient costreints de ce faire et en rendroient raison cant le temps le requéroibt.

273. — « Cerres en Daufiné assigés el rendus » (mai). — En ce mois de mai, mossur de Monbrun, homme de la Religon et tenant le parti per issele, il assiga une ville des Papistes que l’on apeloit Cerres, en Dalphiné 1. Dont, l'aïant teneüe assigée un temps, ils se voiïants casi du tout desnués de toutes choses nécesaires, ils vindrent avec ledit Monbrun à composition ; tellement que per les articles il feüst hordoné que touts gentilhomes, cappitaines et soldats qu'estoient dedens laisseroiïient la plasse et qu'ils s'en iroient, leurs vies salves, sens ne porter aucunnes armes, sinon leur espée et dague, ni baguatge et qu'ils laiseroient toutes munitions et l’artilherie, sens rien en sortir ;, — joinct aussi qu'ils feroient eslargir touts les prisonniers que sont en ledit païs per le faïct de la Religon ou guerre ou autrement ; — et que per ceste cause, ils balleroient huict gentilhomes des plus aparens et principaus, lesquels ils demeuront per hostages jusques que auront éfectués les choses susdictes ; — joinct aussi que nul d’iceus ne porteroipt les armes contre la Religon d’un an. Et de sela s'en obligeront : ores et cant que se troveront avoir faict le contraire, leur va de la vie.

Notés que pendent ces choses, mossur Denville en feüst adverti. De faict, il leur manda trois cens arcabosiers Pigmontois et un grand nombre de chivalerie per le secours dudit Serres ; de sorte que ledit de Montbrun estant averti de leur veneüe, il se prépara per leur venir devant ; * tellement se rencontrèrent, que des Pigmontois en moreüst

1. Serres (arr. de Gap. Htes-Alpes). E. Arnaud, Ilist. des Protest. du Dauphiné... , I, 279.

* Fol, 115 re,

deus cens, de sorte que en touts, des Papistes s’en treva per terre sinc cens et des plus principaus capitaines o seigneurs. Dont, ledict Monbrun demeura pacifique casi per tout le païs du Daulphiné.

274. — « Seint-Marsal prins et autres villes » (mai. — En ce mesme mois de mai, le capitaine Granmien print deus villes en Savènes, des Papistes : Sainct-Marsal 1 et un autre, dont l’aun tomba et l’autre guarda per sa guarnison. Ausi en ce dict temps, le capittaine, mossur de Boulhargues, print une ville à catre lieues d'Avignon, de sorte que les Papistes tant d'Avignon que d'alieurs, en feürens maleise, car encores n'avoient-ils rien senti des fruits de la guerre, tellement que en ces cartiers, per lors, feürent touts effraïés.

275. — Le duc d’Albe battu par le prince d'Orange en Flandre. — En ce mesimes temps, le prince d'Orenge faisoipt grant guerre au peis de Flandres, car il eùüst de grans victoires ; tellement qu'il desfit l'armée du duc d’Albe, Spaignol, de sorte qu'il feüst victorieus sur lui. Dont, feüst maistre sus la plus grant part dudit païis 2.

276. — « Berfuell assigé » (juin). — En ce mois de juin, 1573, Berfuelh feüst assigé per le conte de Vilars, admiralh de France, laquelle ville est de la Religon, dens laquelle ï estoibt per guoverneur mossur de La Montelherie, lequel manda à Milhau que comme estans touts d’un corps et d'une Religon, il prioit la ville de lui donner secours, ensemble toutes les Esglises dudit paiïs, per exprès messatge, avec mécives, et al bisconte de Panat qu'estoibt per lors guoverneur de Milhau. De faict, ledit bisconte et mossur de Seinct-Rome, de Milhau, se assemblèrent tant à pié que à