FINESSE » DU SÉNÉCHAL DE ROUERGUE

dedens sens perdre un soldat ; tellement que lui estant entré, il tua quelque six homes, car tout le resie estoient fuis per la muralhe. Dont, derechef ledict lieu feüst pillé et saquatgé.

289. — « Trhaison à La Bastide » (oclobre). — En ce mois d'’octoubre 1573, dens la tour de La Bastide, estoient les soldats Papistes en guarnison. De faict, lesdits soldats firent semblant de voloir mectre dedens les soldats de mossur Du Ram, de Seinct-Rome-de-Tarn, tellement que quelques uns i alèrent. Dont, i en eüst trois que entrèrent, desquels deus furent murtris, l’autre prisonnier, lequel eschappa avec renson. Les autres reculèrent, qu'ils coneürent qu'il i avoict trhaïson et se retirèrent en leur guarnison.

290. — « Finesse du sénéchal de Rouergue » (11 novembre). — “Le 11 du mois de novembre 1573, mossur de Cailus sénéchal de Rouergue, envoïa mécives aus consuls de Milhau per voir si per quelque moiïen il porroipt tromper la ville per la mectre entre les meins des Papistes. Or donques, dict per ces mecives : que le sendic général du païs de la Haute et Basse-Marche de Rouergue, a ballé requeste au roi, narrant que durant ce temps de pacification sive trèves, il se fasoipt grans voleries sur les paians et toutes sortes de gens ; que ledit sendic avoit obtenu du roi per avoir une bonne troupe gens à chival, per balher mein forte à justicie contre lesdits voleurs que corrent sus tout le peuple et que per se faict, « est besoing et nécessaire que vous et vous environs i consentès, veü que ceci est per le proffit d'un général per chastier lesdits volurs ». Mais sela fasoit-il que si la ville i eüst consenti, il falhoipt que en premier lieu la ville eüst paié Sa part des frais et per touts les environs ; — seguondement il falhoipt que la vile leur balhasse passage de nuict et de jorn, que fust esté la cause d’cstre en danger d’es-