DAMVILLE PASSE AUX & POLITIQUES

toient dedens se saulvèrent per la porte du pont, et plusieurs habitans de ladicte ville se salvèrent per ladicte porte. De faict, ils se retranchèrent sur le pont, et de là combatoient. Dont, plusieurs desdits habitans se saulvèrent ; mais seuls-la que demeurèrent furent touts prisonniers et mis à ranson ; les maisons des Papistes furent pillées. Dont, i en eüst de murtris quelques 25 de scus de la ville. Selui que menoibt l'action esloibt mossur de Las Ribes, lequel cant entrèrent, furent en touts du nombre de trois cens ou environ. Bien est verai qu'il i avoict plusieurs habitans de la Religon que avoient esté dechassés per les Papistes de la dicte ville, comme est escript en un autre article1; lesquels de la Religon soi estans remis dens la ville et lurs biens, telement qu'ils tornèrent prendre et recouvrer de se que lur avoict esté pillé se que ils peürent trever ; de sorte qu'ils firent comme le guascon: qu'ils disent que ne veulent pas rendre mal per mal, mais qu’ils veulent faire comme l’on lur faict. Ledict de Las Ribes fortifia ladicte ville 2.

340. — « Le cappitaine de Seinct-Bausille » (22 octobre).— Le 22 dudict mois, les habitans de Sainct-Bausille 3 sortirent leur capitaine dehors et le distituèrent de son guovernement per finesse. De faict, cedict jorn, sertains habitans lui disrent : « Cappitaine, alons nous permener dehors. — Alons ! dict-il. » Estans dehors, l'on vint à dire aus soldats : « Alés vistement, que le cappitaine vous demande ! » De sorte qu'estans (de) dehors, incontinent leur fermèrent la porte du villatge, lesquels ne entrèrent plus ; car s'estoibt perce que entre le cappitaine et soldats ils avoient querelle per quelque butinage, que feüst la cause que lesdits habitans firent sela. Ce cappitainé et les soldats se retirèrent alieur. Dont, leur feüst rendu toutes leurs hardes et baguatge. De faict, incontinent mandèérent à mossur de Broquiès, que estoibt leur seigneur. Dont, il leur perdonna tout le mal que per le passé lui avoient faict ; de faict, il