MANQUE DE FOI DES « PAPISTES

Dont, s’en estoient salvés quelques-uns, telement qu'estans reconneüs, l’on en tua six, vous notifiant que la scaramosche feüst grande, car dura despuis une hure après midi jusques que fust nuict ; de sorte que, des Papistes, 1 en eüst de morts ou de blecés environ sincante ; de ceux de la Religon, i en eüst de morts six, et huict de blecés. Toutesfois la plasse demeura à seux de la Religon ; et tumbèrent la tour, le 18 février, que Millau i manda touts les massons, et fust sepée 1.

366. — « Les Papisles ne liennent point la foi promise » (mat). — Durant ce mois de mai, le bruict comun estoit qu'ili avoict paix résoleüment, car les Pappistes faisoient ce bruict, perce que pendent ce temps, les députés estoient à la court, au roi, per savoir sa volenté de paix ou de guerre ; de sorte que tant de paquets que les députés mandoient aux Esglises, ces Papistes estans sus les passages, les retenoient sens aucun avertissement ; de sorte que pendent sela, les Papistes faisoient la guerre contre la Religon. Dont, estoient assemblés grant peuple en armes, soubs la charge de mossur de Joiïeuse, mossur de Cornusson et mossur de La Valete, suivent touts les environs d’Albigeois et de Tholose 2, portans canon, tellement qu'ils prenoient tant de villes o forteresses qu'ils povoient de ceus de la Religon. Dont, cant estoient entrés per force, ils mectoient tout au trenchent de l'espée ; et si estoit cas qu'ils se rendissent, quels pactes que eüssent faicts, ils les mectoient touts au filet de l'espée et puis les pendoient touts morts; vous assure que en leurs promesses, à ce que je en ai veü, ni a point de fidélité, tesmoin la foi de Vesin, à Graves ; vous assurant que grant papisterie moreüt sest mois. en assigant, car la plus{part]) i moreüt 2.