MONBRUN PRISONNIER

per lors tenent per la Religon, ce jorn s'en alant batre l’estrade avec lur cappitaine Sainct-Germen , aïant faict un grant butin de bestial meneü qu'ils avoient desraubhé, telement que le cappitaine Varalle les pers[uivit]. Dont, se rencontrèrent entre la Gruelle et Cornus!, ledict Varalle estant accompaigné de 40 chivaus ; tellement que leur dona dessus, dessorte que ledict Varalle en tua,de ceus de Las Ribes, quelques 33, et de ceus de Varalle n’en morut que deus, perce que seus de Sainct-Germein.….. ; * car se Varalle estoit bien monté et plus de nombre que les autres ; joint aussi que ledict Varalle a mist tout en desroute. De faict, les deus cappitaines se prindrent en telle faisson que l’aun tua l’autre, lesquels touts deus moreürent sus le mesmes lieu. Puis le frère dudict Varalle laisa en son lieu un autre son fraire ; mais per sa meschanceté, Dieu lui suscita querele avec ses soldats, tellement que le tuèrent. De faict, lesdits soldats sortirent du fort, qu'estoit campestre, le père dudict Varalle. S'estoient deus fraires ausi bien et milleur

que gent de tout ce païs et redobtés, mais ils n’avoient nulle religon.

369. — « Monbrun contre Gordes et Monbrun prisonnier » (juin). — En ce mois de juin 1575, mossur de Monbrun, tenant le parti de la Religon, come lui en estant aussi, se tenent au pais de Dauphiné, aïant beucoup de gendarmerie en sa charge, tant à pié que à chival ; telement que lui estant averti que le cappitaine Guordes 2, aïant en sa charge les compaignies ansiennes que le roi avoict faictes venir per aler en Lenguedoc contre la Relison, soi retirant avec mossur d'Acié, Pappiste, vis-roi de Lenguedoc, coronnel per les Papistes ; de sorte que ledict Monbrun sachant que ledict Guordes menoit aussi deus mille reistres, il prépara son armée per les guarder de pacer. De faict, il lur donna dessus, telement que per ceste scaramoche, ledit Monbrun desfict trois cens hommes o plus. Ors, ledict Guordes voiant