ÉTATS A MILLAU

guoverneur, tenoit tout le pais de Auvergne en creinte jusques en Bourbonoiïis et jusques en Givaudan.

382. — « Mort du baron de Montal en embuscade » (fin octobre). — Notés que sus la fin du mois d’octoubre, nonobstant que per avant le baron de Montal!t, Papiste, en faisant pleusieurs enbuscades avoit faict morir beucop de gens de la Religon, de faict, le cappitaine Merle sachant que le susdit Montal estoit en embuscade, ledict Merle assembla une belle compainie, de sorte qu'il donna dessus ledict Montal, tellement que ledict Montal i moreüt, ensemble deus cens homes avec lui de sa compainie ; non que seus de la Religon en fucent exents, non pas qu’il n'i eüst guières de morts ; de sorte que les Papistes après sela fasoient touts les jours prières dens lurs temples per les ames des trespacés qu’estoient morts per meintenir la querele du règne du pape, et plus ne s’en parla.

383. — « Eslalts mandés el non lenus à Millau, et pour cause » (novembre). — Au mois de novembre 1575, mossur d'Arpajon, comme général du paiïs, il manda uns estats particullers per tenir à Milhau. De faict, la ville Iui manda, le priant ne tenir point les estats à Millau, perce que la ville estoit folée per les essemblés que frécentement se faisoient en ladicte ville ; joinct aussi que les habitans d'isselle sont entrés en soubson et défiance contre mossur Du Ram et contre mossur de Las Ribes et autres, lesquels ont obtenu comicion de * mossur Denville de faire païer al dit Milhau la somme de 4 mille livres per emprisonnement de personne, prinses de biens et vente d'iceus et per guarnison de soldats et per toutes autres voies d'ostalité ; joint aussi que lesdits de Las Ribes et Du Ram se sont jactés qu'estans une fois à Millau, leur intencion est de faire souffler la pistole à sertains

1. Sur le comte de Montal, v. détails dans les Mémoires de Turenne (S. H. E.), 22-73, — Un Gilles de Montal, gouverneur de la Haute-Auvergne fut tué, le 22 juillet 1576, par IT. de Bourbon Malause. Felgères, {ist. de la baronnie de Chaudesuigues, 172.

* Fol. 148 ve,

habitans d'isselle et comander la ville à baguete, comme estans de autre Religon que de la lur, lui assurant que desjà les habitans de la ville sont en mutination contre eux, sachant les amenaces qu'ils ont faictes, tellement que si lesdits de Ribes et Du Ram i viennent, sera danger qu'il i aura quelque désordre. De faict, les estats ne se tindrent point, car personne ne s'i treuva sinon mossur d’Arpajon et mossur de Panat, lequel Panat i estoibt consent en sela ; toutesfois il faisoit semblant de ne i sa-

voir rien !i.

384. — « Mossur de Chastillon entre à Montpeller » (novembre. — En ce dict mois de nouvembre, sus l'entrée, mossur de Chastillon 2, fis de fu mossur l’Admirall, entra en Lenguedoc avec sinc cens reistres, lequel entra dens Monpeller. Dont, en ce temps, le ménéchal Denville, en ce temps, estoit fort en gendarmerie de gens à chival, car d’infenterie n’en avoict guières; de sorte qu'il ne laisoit aulcun fort petit ni grant que après les avoir sommés, comme estant guoverneur dudict pais, s'ils ne se voloient rendre à son obéicence, comme estant politique, il les faisoipt assiger avec le canon. Dont, plusieurs se rendoient à lui et d’autres non. C’estoibt un temps que se fasoient de grans murtres d'une religon et d'autre. Or, le susdit Chastillon estoipt bien de la Religon, car son fu père l’avoict faict instruire en icelle en sa jeusnesse, et batailhoit tous-

jours per la Religon.

385. — « Embuscade à Bésiers » (novembre). — * Ence dict mois de novembre, mossur Denville aïant envie de entrer à Bésiers, comme estant de son guovernement, il n’en povoict jouir. De faict, il avoict intelligence avec quelques habitans de ladicte ville per le rendre pocesseur ; de sorte