Gouverneur de Vabres

* Fol. 162 re.

d'autre. Notés que pendent sela, mossur le baron de Faugères marchoit d'un autre cousté per se assembler avec ledict Chastillon, avec cinq cens homes tant à pié que à chival. De faict, passant per La Millade 1, terre de Papistes, ledict Faugères les pria de lui donner passage, sens voloir autre chose du leur, ni manger ne boire ni prendre rien apertenent ausdicts habitans de La Mellade ; de sorte qu'estans pacés un peu non guières loin dudict lieu, lui jectérent une arcabousade o deus, tellement que ledict de Faugères se sentent piqué et estant despité contre ledict lieu, il vira visage en telle furie qu'il vint contre la porte ; de faict, la forssa, tellement qu'’estant entré dedens, mist tout au trenchant de l'esnée, hommes et femmes, tant qu'il en treva, que furent quelques catre vins.

&37. — Le capitaine Talaissac. — En ce temps, à Case- Gordan 2, i avoit un capitaine nommé Talaissac 5, Papiste, le plus cruel homme qe en ce temps conversasse sus le sieccle de la terre. Dont, il vint à Peiraleu. Dont, al dict lieu, se faisoient quelques nopses, de sorte que ledit Talaissac coucha avec la fiancée la première nuict, volsist le fiancé o non, et en despit de touts ses parens, tellement que le fiancé ne la voleüt prendre ni recevoir. De faict, ledict Talaissac voïant que le fiancé ne voleüt recevoir sa dicte fiancée, incontinent le fist pendre, que estoibt de Peiraleu mesmes. Dont, ledict Talaissac fust chassé per Belhargua dudict Peiraleu. Croiés que touts les jorns, il exersoit de grans cruaultés et inhumanités contre * hommes, femmes et bestes aussi. Notés que un jon, il avoict prins un paure homme menant un asne, lequel homme estant paure, n’aïant de quoi per paier la ranson qu'il lui demandoibt, de faict, ledit Talaissac les mist touts deus en prison, chescun à part, sens donner à manger ni al