ETATS À MONTAUBAN
vans, ledict de Touré dist : « Mosieur de séians, je vous prie, traictés moi bien ses soldats, car ils sont bons compaignons ». Tellement que l'oste, aïant le mout, il leur donna de vin à leur sauoul; de sorte que touts estans ivres, ledict de Touré s’en entra en sa chambre et changea les abillemens de son mestre d'ostel. De faict, il sen va et passa per le milleur des corps de guarde, sans jamais estre reconu, car ils avoient les ieus touts pleins de vin. Les sentinelles le descouvrirent, il lur respondit : « Je suis le maistre d’ostel de mossur — Où vas-tu ? — Je m'en vais à mes effaieres, perce que en nostre chambre n'i a painct de retraict. » Tellement qu'estant passé, il sortit dehors la muralle. De faict, il treva la barque. Dont, estant passé l’aue, sus le bort, il treva sincante hommes à chival que l'atendoient sa veneüe. Dont, il l'emmenèrent à Baïignols, lequel feüst receù honorablement.
Or donc, estant arrivé à bon port, lendemein, ledit de Touré manda à Louines, per messive, que lui mandesse ses gens et chevaus et toutes ses ardes. Dont, ledict Louines voient sa messive signée de sa main, dudict Touré, feüst bien inarri et estonné. De faict, s’en ala à sa chambre, mais il ne lui treva poinct. Dont, il lui manda tout ce que lui apertenoiet, acompaignés de deus de ces hommes, tellement que incontinent que ledict de Touré les vist, de faict, il tua l'un, et l’autre fist mectre en prison ; vous assurant que si ledict Louines ne se feüst tant avancé, qu'ils voloient faiere et exécuter quelque grant faict; mais il s’avansa trop de huict jors.
445. — « Eslais à Montalban » (janvier). — En ce mois de jenvier 1578, dedens Montalban, furent teneüs uns estats de toute la Guiïenne, i adsistans des deus Religons, per conférer ensemble, per veoir coment et per quel
moien l'on porroiet faire effectuer l’édict de la paix que le roi avoiet accourdé avec les délégués de toutes les Esglises de la France. Dont, per le faict, aïant touts ensemble bien considéré per diverses sortes coment sela se porroiet faire, l’on concleüd et arresta que chesque provinse ou séneschausie balleroïet trois honimes : un gentilhoinme, un consul et un ministre, et que touts ensemble iroient au roi, lui faiere les remonstrances per lui donner entendre le dommage et en quel danger Sa Magesté met son roïlaume avec ces trobles * de guerre et le mal qe à sa propre Magesté en peut advenir. De faict, lui donent à entendre que si le roi ne veut exécuter et entrelenir et faiere enirelenir ses édits de pacification que son peuple n’a plus voloier niintencion, d'une Religon ne d'autre, de lui paiïer nulle taille ni aulcun succides d'ici en avant; « mais nonobstant que son camp est encores en nalure et que nous touts, per le présent, susmes desarmés que s’il ne veut entrelenir ses édits, comme a esté dict, que l'on ne sauroiet faire du moins que mectre la main aux
armes et incontinent lui anoncer la guerre ». Voielà la résolution des estats 1,
446. — «a Le prix des monoies réduict per le roi » (fevrier. — Sus l'entrée du mois de février, en ce païs de Rouergue, les monnoies tant d’or que d'argent feürent réduictes en lur prix come estoient per avant : car durant les guerres, l’on les faisoiet valoir tant que l’on voloict : car le ducat double se mectoit 12 livres, jusques 14 livres. Dont, feüst rebaissé à 6 livres 10 sols ; l’escu au soleill faisoient valoir 3 livres 12 sols, jusques 4 livres et fust réduit à 3 livres ; le teston, une livre et fust réduict a 14 sols 6 deniers ; le rial valoit 6 sols, puis feust réduit à sinc sols ; les pistoles valoient 3 livres 10 sols et furent réduits à sincante huict sols, et tout per cries roials2. Et
1. Arch. comm. de Saint-Affrique, BB. 14, fol. 144-147 (Convocation d’une assemblée à Montauban), 152 ; ci-dessus, n° 407, note 2 ; Leltres missives de Henri IV, 1, 158. |
2. « Le 18 janvier 1578 on reçut à Castres la nouvelle que le double ducat
* Fol. 166 ve.
