PRISE DE MENDE

que tout i estoit mort. De faict, il i eüst sertains artisans des Savènes o du Eenguedoc, quelques x1t, que se vindrent retirer à ladicte ville. Dont, les abitans i prindrent un grant plaisir, estans joïeus d'avoir d'artisans. De faict, ils demeurérent 8 ou 10 mois, fesans du résolu. De faict, estans jà près de Noël, ses hommes ici se fachoiïent demurer ainci sans religon; ils s’en alèrent et une partie per parler avec Lapierre et le cappitaine Merle 1. Dont, arrestèrent au soir de Noël, durant que la messe sonneroit, que avec le bruit des cloches, ils balleroient l’escalade. De faict, estant veneü le soir assigné, ces artisans vindrent sus la muralle ; Ce faict, tuarent la sentinele et un corps de guarde et pendent sela, ledict Merle, Lapierre, Briquemaus, pendant le bruict des cloches, ils entrèrent dedens. De faict, la halarme sonna per ville. * Mais nonobstant quelque petite défense que les habitans ficent, si furent seus de la Religon maistres, tellement qu'ils ne i laisèrent pas un prestre ni un homme de court ni aussi nul notaire, que à tout misrent au trenchant de l’espée; car le capitane Merle lur voloit un gran mal, perce qu'ils l'avoient condamné à estre pendeü et l’avoient pendeü en efisie et lui avoient [faict] son procès come s'ils l'eussent teneü ; vous assurant qu'ils tindrent 6 o sept jorns à faire murtres. Dont, le nombre estoit, de morts, 250, mais du plus que du moins ?. De faict, ils mandèrent sercher mossur de Chaslillon, lequel incontinent qu’il feüst dedens, il fist cesser les murtres et les pillages : car aussi tout estoiet pillé. Dont, ledit Chastillon 1 demeura un temps *.

1. Un certain Bonicel, troisième consul de Mende, pour se venger d’un jugement rendu contre lui, aurait proposé à Merle de livrer la ville. De Pontbriand, 79.