ASSEMBLÉE A MILLAU

Lenguedoc, de Rouergue que aussi du pais de Givaudan, qu'ili avoit cu grans deffaictes des gens de la Religon ; et qu’ils avoient desjà perdu coeur et corage, estant leurs forsses fort débiletées ; et que les Uguenaus demandent la paix, se sentens desjà desnués de tout secours tant d'hommes que aussi de touts vivres et munitions ; et que per ceste cause, ledict Denville mandoit au rot qu'il ne fisse poinct de paix, mais quil mandesse, le plus covertement et secret que Sa Majesté porra faire, dix ou douse mille hommes, soi asseürant qu'il rendroit à Sa Majesté touts ces dits pais à son hobéissence, pacifiquement ; et que plus tost il feroit un desguast en verdure, avant que les bleds vienent à maturité et vignes aussi, et plusieurs autres amenaces contre la Religon. De faict, ledict Rescalon aïant trevé ledict de Pignan, lui donnèrent dessus, tellement que ledict Pignan fust iué, ensemble huict o neuf hommes avec lui, de sorte que toute le reste se mist en fuicte. * De faict, ledict Rescalon, print per lors dix e sept o dixe huict chevarus et beaucoup de baguage, ensemble les dictes mecives, qu'en i avoit en abondance, el plusieurs mémoires contre la Religon. Aussi, sus toutes choses, ledict Denville mandoit que per i venir, al principal but, il falloit faire prisonnier le roi de Navarre.

516. — « Eslals parlicullers à Millau » (7 novembre). — Le vii de novembre 1580, ungs estats particullers feürent teneüs à Millau, per seulx de la Religon, per le faict de la guerre, i adsistant mosur de Panat, général dudict pais per la Religon, ensemble toutes les Esglises de la Haulte-Marche du pais de Rouergue. |

Dont, fust conclu et résoleù qu'il ne i auroit capitaine ni soldat qu'il, ou autre, de ne prendre ni piller rien du laboureur ni aulcunne sorte de bestial, or ni argent ni aulcun meuble, sinon soit per la bolete, les laissant en leur laborage sens les molester ; et ce, à la peine de la hart. Et per se faict, ils feïrent Iles despartemens des boletes, à chescunne guarnison son cartier, selon sa portée, le [moins] incomodement de touts qu'ils seürent faire et

* Fol. 186 ve.

au mescontentement de plusieurs ; de sorte que du païs de Seincte-Frique, Vabrois et Camarois, ne volsirent consentir, ains disrent qu'ils se voloient deshunir de la société du Hault-Rouergue et se voloient adjoindre et hunir avec le païs du Hault-Lenguedoc, perce qu’en ce temps, le conte de Torenne estoit général dudict païs, homme de bien, bon guerrien et justicier, aïant la crainte de Dieu. De faict, fust conclu aus dicts estats que, à Millau, i auroit 150 hommes à pié, soldoïés, et 50 à chival, demeurans à Millau au despens dudict païs, et ce, per le secours et aide de toutes les esglises, à la nécesité ; et cependant, Millau balleroit cinc cens livres touts les mois per satisfaire, tant per les capitaines que aussi les soldats. Mais sela ne s’en exécuta rien, perce que sela se faisoit per avaricie de la nousblesse 1.

517. — « Une comèle au siel » (novembre). — * En ce dict mois de novenbre, ceste commète se montra au lieu que l'autre passée et chemin que tenoit, non point que fust si grande, car seste-ici estoit plus petite, q'estoit aussi en noembre 1577 2, laquelle tenoit plus d’espasse et plus longue queue ni ne dura pas si longtemps.