MISÈRE DE CE TEMPS

le conte de Canillac, Papiste, aïant grant envie de avoir le Meür-de-Barrès, tenent per la Religon, ledict Canillac, avec flateries, il atira à soi serteins habitans dudict lieu per faire la trhaïson. De faict, lui aïant promis l’ure et le jorn, ledict Canillac ne fist faute de venir le jorn et heure assignée. Or, les habitans dudict Mur-de-Barrès estans advertis per selui que feignoit la trhaïson, ils se misrent en seüre guarde, telement qu'ils laissèrent entrer ledict Canillac ; de sorte qu'ils furent si bien spossetés !, qu’il ï en moreüt 4 vints ou plus, ensemble ledict Canillac que menoit cest affaire et chef. 2. |

538. — Misère de ce lemps. — Notés que en ces temps, l'on ne entendoit autre chose sinon prinse de villes ou chasteaus, les murtres estoient frécants, tant d’un costé que d'autre, tant en Languedoc que alieurs; vous assurant que c’estoit chose espoventable de veoir et houïr teles choses ; tellement que il ni avoict home vivent que ausasse aler nullement aus champs, qu'il ne fust mort o prisonnier ; et s'il estoit prisonnier, ces lerrons le tenoient en si forte destresse, qu'ils le faisoient rensoner tant que son bien valoit ; vous asseürant que c’estoit un temps fort calamiteus et misérable, de sorte que le Pseaume est véritable : « Entre les humains, il n’i a ni foi ni loi » ; car tenent le paure peuple prisonniers, ils les batoient si très fort, que plusieurs en moroient.