TOLÉRANCE DU PAPE

Le duc de Guise ayant pénétré en Italie à la tête d'une armée ^ le pape s'ar- 1557. range avec ses ennemis, sans comprendre les Français dans le traité. — Influence du cardinal Garaffa, neveu de Paul IV. — Le duc de Guise, se voyant trahi, met le siège devant Civita-Vecchia. — Maladies dans Tarmée. — Retour en France.

Le pape cerliffia au duc de Guise que Botumus, aulmosnier de sa femme, estoit Tung des plus meschans et grands héréticques de la chrestienté , et luy en déduisit par le menu tout ce qui en estoit à la vérité; de quoy beaucoup ne s'émerveilla ledit seigneiu*, qui, dès auparavant plus de deux ans y avoit, se doubtoit bien et le roy aussi qu il Botumus estoit tel, et toutesfois fut bien ayse d'en avoir entendu la vérité par la bouche du pape. Et estoit ce la cause que ledit Boturnus n avoit voulu faire ledit voyage avec ledit seigneur, dont bien luy en prinst, car, s'il eust esté présent, pour tout certain eust esté bruslé tout vif, tant ledit seigneiu* hayssoit les héréticques. Lequel, tout à l'instant, escrivit à sa femme qu'elle enchassast de sa maison et de son service ledit Boturnus, son aulmosnier, sous peine de s'en repentir elle-mesme, mes qu'il feust de retour en France, et luy avec, si encores y estoit trouvé.

Ausquelles lettres obéit voluntiers ladite dame, laquelle escrivit audit Boturnus, qui estoit à Provins, qu'en diligence il l'allast trouver la part qu'elle seroit, ce qu'il feit. Auquel elle communicqua lesdites lettres, en luy baillant congé doulcement, l'exhortant de se

* Mémoire du voyage de mons. de Guise collect. Michaud, t. VI, i** série, p. 3a 3, en Italie. (Mém. journ. du duc de Guise, et t. VIII, p. 58g.)

1557. retirer hors du royaume de France pour saulver sa vie, le plus tost qu il pourroit ; ce qu'il feit en moings d'un moys depuis ledit congé , et se retira à Genefve , où il ne se peut asseoir ni avoir place à sa commodité , et pour ce s'en alla demourer à Basle en Suisse , où il achepta une maison, et s'est tenu là jusques à la mort, vivant héréticquement tel qu'il estoit, car la ville de Basle est quasi toute héréticque, dedans les murailles de laquelle ne se chante plus messe. Et sçai tout ce discours estre vray, pour en avoir faict les diligences tant en la maison de ladite dame de Guise en sa personne, que aidtres lieux du royaume et dehors, mesmement audit Basle et plus loing. Avant que ledit aulmosnier partist de Provins, il résigna l'Hostel-Dieu à frère Denis Leroy, religieux d'iceluy, en recordation du tort qu'il luy en avoit faict , quand il en feust pourvcu par la mort de frère André Lecourt, son prédécesseur.

Revenant à pai-ler encores du voyage d'Italie, nous dirons ce que vulgairement on dict par la France en commung proverbe , qui est tel que « Bon cheval et meschant homme n'amanda jamais d'aller à Rome; » ce que nous avons veu avoir esté praticqué aux hommes qui ont faict ce voyage avec ledict seigneur, et principallement en ceux qui n'avoient le cerveau des plus fermes et mieux rassis. Lesquelz , estans de retoiu*, estoient beaucoup pires en leurs consciences et mœurs qu'ilz n'estoient avant que partir; la plus grande partie d'entre eux partirent de France bons catholicques , et en revindrent plus de demy-héréticques , pour avoir veu, ce disoient-ilz , les abuz qui se commettoient dedans Rome, où ilz pensoicnt que feust demeurée la plus grande saincteté de vie. Uz raportèrent qu'audit Rome on y mangeoit chair en karesme et y avoient veu les boucheries ouvertes, fournies de chair comme aux temps de charnage; ilz avoient pareillement veu le bourdeau public de femmes et filles que tolléroit le pape , duquel ilz disoient tirer argent à son proffit par chascun moys. Davantage veirent les juifz dedans ladite ville qui commettent usures, fraudes et tromperies au veu et sceu du pape, desquelz il tire tribut. Desquelles choses se sont tellement scandalisez qu'ilz ont eu pour '

ce en mespris la saincte Eglise et les commandemens d'icelle, mon- 1557. tant d'erreur en hérésie parfaicte et obstinée , de laquelle plusieurs n'ont sceu resortir, au grand mespris de leur âme , bien et honneur. Toutesfois les choses susdites ne les ont tant provocquez à tomber en hérésie , comme a faict la praticque qu ilz praticquèrent en revenant tout à loysir par les Allemagnes et parGenelVe, où ilz veirentla messe et les sacremens de la S^® Eglise cessez en plusieurs lieux, manger de la chair en tout temps mieux qu'à Rome, et vivre les gens en toute liberté de conscience, sans aulcune repréhantion , et ouyr parler les prédicans et gens de leur séquelle, qui scavent si proprement mesdire du pape et des ecclésiasticques , qu'en les blasmant, ilz blasment quant et quant le ministère de la S*^ Eglise, qui de soy est tousjours sainct; la saincteté duquel ne despent de la bonté ni malice des hommes, ains de la seuUe bonté et puissance de Dieu.

Une permission que donna le pape audit seigneur de Guise et à ses gens d'armes, pour ung soulagement de leurs corps, les esbranla à moins croire à l'Eglise et auctorité d'icelle, qui fut telle que, en considération que audit Rome et plusieurs pays d'Italie le pays y est assez stérille poiu* le regard des viandes de karesme , qui ne se trouvent pas aysément, comme en ce pays, il leur bailla congé de manger de la chair, des œufs et du formage trois fois la sepmaine , qui fut cause de les effriander de telle sorte que oncques depuis estans en France, sans dispencc, ne cessèrent d'en manger.

Quant au premier poinct que noz Françoys disent qu'à Rome on y mange chair en karesme et que les boucheries y sont ouvertes et fournies de chair comme en aultre temps,, ne leur desplaise, bien est vray qu'en certaines maisons de bouchers qui fournissent les hospitaux dudit Rome on y peut veoir quelquesfois ung peu de chair pendue pour les pauvres malades desdits hospitaux qui ne peuvent manger aultre chose, ausquelz on en faict cuire et manger, par permission du pape, mais non aultremcnt, et où ilz en auroient veu en plus grande habondance es boucheries dudit Rome auroit esté en celle des juifz, qui mangent chair aulcuns jours de la sepmaine de

1557. karesme comme es aultres temps. Mais, pour le regard des chrestiens catholicques, n'y a chair appareillée pour eux audit Rome, et n'en mangent non plus que les catholicques de France ^

En second lieu, les Français se sont scandalisés de ce que le pape tolérait à Rome les femmes de mauvaise vie et de ce qu'il en tirait tribut. Mais cette tolérance n'avait lieu que pour éviter de plus grands maux, le ravissement et subornetuent des femmes honnêtes, et le péché de sodomie, auquel les Italiens sont enclins.

Quailt à la liberté laissée aux juifs de vivre à Rome, elle s'explique par cette considération que la nation juive ne peut être exterminée avant la fin du monde, et qu'elle est une manifestation permise par Dieu de la loi mosaïque.

(Il y a ici une lacune. Dans les (euillels qui manquent était sans doute le récit de la bataille de Saint-Quentin', qui se donna le lo août 1657, et de la prise de Calais par le duc de Guise, qui eut lieu au conunencement de janvier i557 (i558 nouveau style) '.)

* Dans un sonunaire d*aucunes choses notables faictcs à Rommc aumoys de juillet \[ybb [Milm. Joum. du duc de Guise, coll. Michaud, 1'' série, t. VI, p. i4a)i on lit :

« Nostre S' Père le pappe a faict une

bulle do jubilé et plénière rémission pour jcusncr Iroys jours et communier le dimanche cnsuy vaut , pour la paix et mitigalion de Tire de Dieu. — A faict une autre bulle contre les juif» de ceste ville, ordonnant qu*ilx se retireront tous en ung lieu qui sera seur, comme en Avignon, porteront bonnetz jaulnes comme à Venise , et ne pourront prendre plus grande usure

que 1 a pour cent On n'attend de luy

que réiormation , et au premier jour publiera le décret de la résidence des évesques en leurs diocèses. •

* Sur le siège et la bataille de Saint- Quentin, voy. Discours de Gaspard de Co- Ugny, amiral de France, où sont sommairement contenues les choses qui se sont passées durant le siège de Saint -Quentin

en iSSy, ouvrage plusieurs fois imprimé;

— le récit de Mergey, qui avait assisté à la bataille. [Mém. de Mergey, collect. Michaud, t. IX, 1" série, p. 56 1 et suiv.);

— Brésin, Chwn. de Flandre et d'Artois, Bibl. imp. collect. Gaignières, n* 684 1 fol. 7^4 v', etc.

' Voy. le Discours de la prinse de Calais , faicte par mons. le duc de Gaise. Tours, J. Roussel, i558. (Arch, curieuses de Vhist. de France, t. III, i" série, p. aSy); — De motihus Galliœ et expugnato receptoque Itio Caletorum, per G. Paradinum. Lugduni , ap. J. Tornesium , 1 558 ; — Chanson sur la prise de Calais, à la suite de Tépitaphe de cette ville, par A. Fauquel. Paris , Caveiller, i558, in-8*; — Hymne au roy sur la prinse de Calais, avec quelques autres ctuvres sur le mesme sahject, composez par J. du BellaY. Paris, F. Morel, i558; — Brésin, Chroniq, de Flandre et d'Artois, fol. 733 y\