ÉTATS-GÉNÉRAUX
REMONTRANCES DO TIENS ETAT DO BAILLIAGE DF. PROVINS (l56l).
Le tiers estât du bailliage de Provins et ressorti d’ice[luv estant] assemblé en la généralle assemblée tenue en ceste ville de Provins [en l'hostel commun] ce jourd’huy neufiesme mars mil cinq cenlx soixante, afin de [donner et] bailler advis sur le contenu ès lettres envoyées de par le roy nostre sire à m[onsieur le baillyj de Provins, (lactées du xvn’ febvrier dernier, desquelles, en l'assemblée tenue [à Provins le] xxvu* du moys passé, lecture fut publiquement faicte. et pareillement sur les déclarations et remonstrances de ceulx qui ci-devant ont esté depputtei pour aller en la ville d'Orléans devers ledit seigneur roy tenant ses estati gcnéraulx , entend en toute humilité estre dict et remonstré au roy ce qui est cy escript :
Qu'ili rendent grâces très humblement au roy de luy plaist en ses
afaires si grandi et urgens soy servir de l’advis de ses moindres et plus humbles subgecti, bien congnoissans combien sa bonté désire avoir tost les moyens et occasion de les supporter et faire vivre en paix, union, tranquilité et bonne police.
Et estans certains de l'urgente nécessité dudit seigneur, les grandes debtes qu’il a encourues, tant pour la longueur des guerres que aultrement, considèrent que sa majesté ne peult facilement suporter ses subjeetz selon qu'il le désire, sans que préalablement ses debtes soient acquictées. son domaine, aydes et tailles alliénei retirez et réunit.
Pourquoy est raisonnable que ledit seigneur liève deniers le plus promptement que faire se pourra, et toutesfoys supplient les gens dudit tiers-estat que ce soit à la moindre foullc du pauvre peuple que faire se pourra.
Car il est en ce bailliage, qui est de petite extendue, si pauvre et ai atténué de tous biens et moyens, que la pluspart est, à l'occasion des grandes tailles, subsides, gabelles, stérilité de temps, des gens de guerre, qui ont et ont eu
APPENDICE
cours, que grande partie d'icelluy est mandiant, prest à tomber en extrême misère, si par 1a bonté et pityé dudit seigneur il n'est secouru.
Tellement qu'il est nécessaire, pour maintenir le tiers estât de ce bailliage, le supporter de tailles, subsides et gabelles ordinaires et extraordinaires, sans imposition d'aultres nouveaulx aydes, tailles et subsides.
Et pour plus commode, prompt, facile et aysé moyen de recouvrer deniers, ilz dient que les gens d'église de ce bailliage tiennent des immeubles et revenu dudict bailliage et ressorti les trois parti, les cinq faisans le tout ou plus.
Qu'il y a plusieurs bénéfices qui sont abbayes, pricuret, tant conventuels que aultres, de grand revenu excédant ce qu'il convient pour l’entreténemenl des églises, ministres et habituez.
Pourtant sont lesditi du tiers-estat d’advis que ledit seigneur roy doibt, pris et levé, du revenu desditz bénéfices et de tous aultres qui sont de mil livres tournuis et au dessus, ce qu'il convient pour entretenir les églises et habituez, du surplus prendre une lionne partie telle que par scs officiers des lieux sera sainement advisé, aussi le tiers du revenu des commanderies dudit bailliage, et ce jusques à certain temps.
En quoy faisant, if trouvera grans deniers et supportera par l’ayde desdietz gens d’église son pauvre peuple, envers lequel lesditz d'église feront en cest endroict grande aulmosne, le supportant d'acquicter ledit seigneur, ce qu'il ferait, si possible luy estoit.
Que, s’il plaist audit s', il peult par aultre moyen facilement avoir deniers, en faisant et ordonnant , tant pour la décoration des villes de son royaume que pour maintenir grand^iartye de son pauvre peuple, ordonner que les ainphi téoses d'église et de mainmorte, tant viagères que annuelles, fors des hospitaulx et maladeries, soient perpétuelles, en ce faisant que les rentes et charges auxquelles les choses sont baillées seront perpétuellement payez ausditz d'église et mainmorte, prenant par ledit s' desdites choses ce qui sera offert et payé ou ce qui pourra estre offert et payé, sans que pour ce faire ilz puissent estre cnn trainetz pour les avoir à tousjours, ce qui se peult faire sans appauvrir l'église, dont sortiront grans et promptz deniers.
Et mieulx vault audit sr user des moyens cy dessus que sur le vin qui se vend, transporte et amène en ce bailliage, lever aucuns deniers; car sur le vin est en cedict bailliage levée grande imposition.
Quant au sel, il est grandement cher, n'est bon ne loyal comme il est requis, et sont sur la vente d’yceluy assiz plusieurs deniers pour les entretennemens des villes (tic) et officiers dudit seigneur levez, Néantmoings, ou cas que les moyens cy-dessus ne seraient trouvez sufisans, lesditz du tiers estât ont esté d’advis que
APPENDICE
plustost deubst cstre mis impost nouvel du suq>lus sur le sel que sur le vin et sans imposer nouvelles tailles ou subsides, à la charge néantmoings que ce seroit pour ung temps brief et pour peu d’années, et de promesse rovalle que cela cessera ledict temps passé, sans riens tirer en conséquence par ledit $' ou ses successeurs à l'advenir.
Supplient lesditz du tiers estai la majesté du roy, avant que par luy prendre, lever ou imposer par quelque moyen que ce soit, deniers pour acquicter sesdictes debtes, avoir égard , considérer et bien faire congnoistre de quelles debtes légitimes et royalles il est chargé, en faire faire ung vray arrcst et ne plus imposer et lever qu’il conviendra, préalablement pris l’espargne des deniers des guerres depuis qu’elles ont cessé, des tailles, décimes et aultres premièrement employez en son acquict, pour le descharger desdites debtes.
Aussi supplient lesditz sieurs faire rendre compte à ceulx qui ont eu maniment de ses deniers et les faire sans delay contraindre au paiement du reliqua et ordonner que les deniers qui seront levez pour l’acquictcr soient maniez pai les officiers de ses villes, sans salaires ou gaiges, et par eulx-mesmes employez audict acquict, afin que lesditz deniers ne soient diminuez par les gaiges des officiers et en passant par diverses mains.
Et pour ce que leur principal désir est de vivre soubz l’obéissance du roy, comme vrays, ûdelies et observateurs des commaudemens de Dieu et saincte église catholicque, chrestienne et romaine, comme ilz et leurs anciens ont faict ci-devant, supplient très humblement et instamment la majesté du roy tenir la main que tout trouble, division, scisme et mauvaise oppinion touchant la foy et religion chrestienne soyent tost osiez, destruietz et aboliz, faisant renouveler les édietz de ses feux ayeul et père, sur la punition des hérétiques et mal sentans de la foy. et iceulx estroictement garder par ses courtz de parlement et juges retirant à eulx 1a congnoi&sance de telles matières.
Aussy, pour le bien public, support et tranquilité de ses subjeetz, supplient S. M. de sans plus différer faire joyr sesdietz subjeetz du bien qu’il leur a octroyé et accordé par les responses qu’il luy a pieu faire aux doléances à luy présentées en ses derniers estalz généraulx tenuz en sa ville d’Orléans, ordonnant que ce qui a esté en iceulx par S. M. accordé, conclud et promis, sera du tout gardé et observé entre ses subjeetz, royaume et pays, pour et à ce que en bonnes paix, loix, union et police ilz puissent soubz son obéissance vivre.
Chappuis, secrétaire.
(Copie du temps, appartenant À M. le docteur Miuûmilirn Michelin, à Provins. )
Il 40
APPENDICE
REMONSTRANCES TRÈS Hl’NBLES DES TILLES DE TROYES, REINS, CHAALORS, LAON, CRISE, LANSRES, CHACLMONT ET BAR-3UR-AII.RE (l575J.
Au roy.
Sire, vos 1res humbles et ohéissans subjeetz les bourgeois, manans et babitans de vos villes deTroyes, Reims, Chaulons, Laon, Guise, Langres, Cbaulmont et Bar-sur-Aulbe, faisans partie des villes de la générallilé de Champaigne, en toute deue révérante et humilité se présentent aujourd'huy par leurs députez devant vostre majesté et vous font d’une commune vois et délibération plainctes et doléances, qu’ilz supplient à vostre majesté recepvoir selon sa naturelle bonté avec la clémence que le bon et fidcl subject peult espérer de son roy et croire que ce qu'ilz ont advisé de proposer et desduire ne procède sinon d’ung bon et singulier désir qu'ilz ont tousjours eu et auront à jamais d’eux maintenir soubz vostre oliéissancc et procurer par tous moyens à eux possibles la conservation de l'honneur de Dieu et manutention de vostre estât.
En premier lieu, sire, ilz vous remonstrent que le pays estant de la généralité dudit Champaigne est assiz au plus infertil , sec et stérille territoire de toute la France, où il n’y a aucunes rivières commodes à la navigation pour y apporter marchandises et autres commodités estrangères ny moyens desquels les ha bilans se puissent prévalloir pour la commodité des régions voisines.
Au moyen de quoy, les habitans du plat pays et bonne part de ceux desdites villes ont esté cy-devant contrainctz avoir leur refuge au labourage de la terre tant peu fertillc qu’elle fusl, pour d'icelluy labourage et de ce qu'ilz en pouvoient recueillir avec ung grand et ennuieux travail pourvoir à la norriture d'eux et de leur famille.
Que si par fois advienne quelques années moings fructueuses que de l'ordinaire, le pauvre peuple tombe en des nécessitez extrêmes, ainsv qu'il s'est veu ces années dernières, esquclles la pluspart d’icelluy a esté contrainct de vendre ce qu’il avoyt pour vivre, voire jusques à eslre aucuns réduietz à ce poinci, ce qui ne se peult dire sans grande commisération , que d’estre nécessitez de paistre les herbes par les champs comme les bestes brutes.
Et ce qui a finallemeut causé une entière désolacion audit pays , a esté qu'il a tousjours soustenu , depuis quinze ans en çà que ces malheureuses guerres civilles régnent en cesluy vostre royaulme, les passages, secours et retours des camps et armées, voire par longue espace à chacune fois.
APPENDICE
Ce que mesuies est advenu tout récentement par le passage et séjour que y ont fairt trois grosses années, par lesquelles le pauvre pays a esté incroiablcment travaillé, moleste et oppressé par l'espace de six raoys, tomme encores à présent, par plusieurs compagnies de gens de guerre, de cheval et de pied, tant estrangères que françoises, qui y passent journellement ou séjournent , tournoyans çà et U au lieu d'aller droict eu l'armée de vostre majesté.
lesquelles armées aumient, comme il est tout notoire, vcscu et vivent encores de présent celles desdites compagnies qui sont audit pays .insolemment, à discrétion , sans aucung ordre ny police militaire, abusans extraordinairement du bien qu’il avoyt pieu à Dieu envoyer ceste présente année ung peu plus largement que ès précédantes, et jusques à faire boire et manger les chevaulx avec les hommes, rençounant les bonues gens du plat pais, les pillant et spoliant violemment du peu de meubles, chevaulx et bestial qui leur estoyent resté, et, qui pis est, oultragenl de faict vos pauvres subjeetz, ravissent leurs fdlcs, prennent par force leurs femmes, voire en présence des niariz, que plusieurs desditz gens de guerre ont conlrainctz mesmes d'assister à leurs actes détestables devant Dieu et les hommes , et se sont trouvez plusieurs d’iccux avoir meurdry et massacré leurs hostes et hostesses, enfans et serviteurs, voire les brusler tous vifz et jerter dedans les puys, mis et faict mectre le feu ès maisons et granges de plusieurs bourgs et villages dudit plat pays.
Ilref, ne délaissent aulcune espèce de mal ou cruauté à commectre contre vosdits subjeetz pour les contraindre de satisfaire à leurs rupiditez désordonnées, faisans de grands maulx et estant ccstuy d'entre eulx estimé le meilleur et vaillant soldat qui mieulx, avec blasphèmes et reniemens exécrables du nom de Dieu, peu II inventer quelque nouvelle forme de tourment et cruauté pour forcer son boste de luy fornir ce qu'il veult extorquer de luy, sans que desdits forfaietz il s'en face aucune justice.
A raison dequoy, ce pauvre peuple du plat pays, ne pouvant plus soustenir le faiz, est de jour à autre contrainct babandonner sa maison, délaisser son lahouraige, à l'entière ruvne de tous les eslatz dudit pays, et soy retirer ailleurs où il peult mieulx , cherchant et mandiant sa vye pour la pluspart par les villes dudit pays.
De façon que ès plus gros et mieulx peuplez villages de ladite Champaigne, esquelz soulloit avoir n'a pas longtemps deux, trois, quatre et cinq cens feux, n'y en a pas pour le présent dix, quinze ou vingt, mesmes en aulcuns poinct du tout.
Ce qui est cause, sire, que les villes dudit pays s'en ressentent aujourd'huy bien fort, ne recevans plus les commodités qu'elles soulloyent dudit plat pays,
APPENDICE
leur vray père nourricier, et entre autres vosdites villes de Troyes, Heims, Cbaalons, l.aon, Guise, Lan gros , Chaulmont et Bar-sur-Aulbe.
Lesquelles, pour le regard de ceulx que vostredite majesté a voulu estre comprins eu la taxe des 62800 liv. quelle a ordonné estre levez sur jes villes de la généralité de Champagne par vos lettres patentes, pour le contenu desquelles les présentes remonslranccs vous sont faictes, et par lesquelles le clergé1 desdites villes, qui lient et possède la plus part des héritages d'icelles villes et plat pays, en est déclaré exempt, sont composées des officiers de vostredite majesté et de quelque petit nombre de bourgeois vivans cv-devanl de leurs rentes et petit revenu, et des marehans et artisans.
Qui tous ensemble, à cause desdites guerres eivilles, se trouvent réduirtz en telle extrémité qu'il n'est possible de la dire plus grande.
Quant à voz officiers , sire, ilz sont aujourd'huy multipliez en sy grand nombre, soyt en la justice ordinaire ou extraordinaire, soyt sur le faict de vos finances, que, au meilleur tamps que l'on poroit désirer, leurs estatz leur demoureroyent quasy du tout inutilz. Tant s'en lault que, en la calamité du temps présent, auquel la justice est ensevelye et ne s’en faict aurung exercice entre les armes, ilz en puissent tirer aulcnn proflirt pour subtenir au sousténement des charges de leurs maisons et familles, joinct que les gaiges d’iceulx officiers sont retranchez de toutes partz.
Et au regard de ceulx desdites villes, qui soulloienl cv-devant jouir de quelque» petites rentes et fermes, ils sont cejourd’huy réduiclx à ceste extrémité de n'avoir aucun moyen d'eulx faire payer de leurditz rentes et fermages des précédentes années, ohstant la stérillite notoire d'icelles et pauvreté de leurs fermiers, tant à ceste occasion qu’à cause desdites guerres, ne pouvant aussy aujourd'huy tirer aulcune chose de leurdit revenu , et voians leurs héritages assiz audit plat pais estre sans culture et délaissez par leurs fermiers pour la pluspart, ils sont quasy au désespoir prestz d'abandonner lesdites villes, comme jà plusieurs d'entre eulx ont faict.
Quant aux marehans, ilz sont réduietz au mesrue poinct de nécessité que les aullres, car ne ayant eu jamais esdictes villes grand train et trafic à faulte de la commodité des rivières et à cause de la stérilité du pays, ilz sont contrainctz à présent le laisser du tout, encores que par ci-devant voz prédécesseurs roys de très heureuse mémoire, pour attirer susdites villes multitude de peuple, leur ayent octroyé certains privilèges, de sorte que à présent le faict de marchandise n’y a plus de cours, à cause desdites longues guerres et pour le peu de seureté qu'il y a , tant sur terre que sur mer, dont seroyt advenu que plusieurs faisans faict de marchandise et ayans perdu tous leurs biens, ont esté enfin contrainctz
APPENDICE
avoir recours au dernier et misérable refuge de cession de biens. Des aultres ont délaissé du tout ladite marchandise, pour se veoir surcharger, d'une infinité de subsides , gabelles et impositions qui se y mectent sus journellement , à la très grande loulle du peuple, sur toute sorte de marchandise, comme entre autres sur les
draps, entré* fl issue des vins ( l'écriture manque} et ceulx encores qui en
p [sont, n'ayant plus] de moyen, prestr de délaisser lesdiles villes pour les
i barges insuportables qu'ilr. sont contrainctr. soustenir, et ce que jà aulruns des plus apparens ont faict.
Pour le regard des artisans, qui cv-devant avoiant acoustumé de gaigner leurs vyes esdites villes soubr ceulx des autres qualités et estais cy-dessus déclarer, ont esté contrainctr pour la piuspart , n'estans employer à cause de la ruyne de ceulx de l’ung et l'autre desditr estatz, eulx retirer hors d'icelles villes, les aulcuns à la guerre, les autres ailleurs, et ce qui en reste se mendyc aujourd'huy pour la piuspart, ayans consommé sy peu de bien qu'ilr avoyent auparavant acquis à la sueur de leurs bras.
Et voilà comme lesdites villes sont sur le poinct de demourer désertes et inhabitées, mesmes celles dessus déclarées, esquelies néantmoings. pour estre sur la frontière de vostre royaulmc du costé de Flandres, Luxembourg, Allemangne et comté de Bourgongne, conciste pour bonne part la seurté d'icelluv.
Par ce bref discours, qui est la moindre partie de noz désolations, sirt^ vostre majesté peult congnoistre les misères et pauvretés du peuple dudit pays. C'est pourquov voz très humbles subjectr habitans desditr pays vous les reportent devant les yeux, [vous assurant] qu'elles sont avec la simple et pure [et entière] vérité, et vous supplient en toute humidité qu'il vous plaise, usant de la justice qu'ilr attendent de vostre naturelle bonté et clémence, les exempter du tout et tenir pour excusez du payement desdits cinquante deux mil huict cent livres ordonner estre lever sur les villes de ladicte quallilé, pour l’entrcténement de six compagnies de gens de guerre à pied durant quatre moys de la présente année. Car à la vérité, sire, il leur est impossible de toute impossibilité d'en fournir aucune chose, voires quant on vendroyl tous les biens meubles qui leur restent et sy se trouvassent achepteurs ;
Et ce, tant pour les raisons susdictes, que aussy à cause des grandes et insupportables sommes de deniers qu'ilr ont cy-devant et puis le commancement des guerres milles paiées et lesquelles sont entrées en voz finances, mesmes que puis deux moys ilz out esté contrainctr, et ce qu'ilr ont faict avec une extrême difficulté pour le peu de moyen qui leur restoyt, faire payement des sommes excessives auxquelles ont esté imposez pour la solde de cinquante mil hommes de pied pour la présente année, oultre et pardessus les tailles, taillons, équivallentz,
APPENDICE
gabelles et autres subsides qui se lèvent ordinairement pour le paiement et entretenement des gens de guerre tant à cheval qu’à pied, artillcrye, munitions d'icelle et autres fraiz de la guerre, et néantmoings voz armées ne laissent pour cela à vivre à discrétion et faire les maulx cy -dessus déclarez, soubz prétexte qu’ilz dvent ne recevoir ung seul denier de leur solde, dont. . . .*. .*. . . subjeelz
liabitans desdits lieux sont privez de leurs moyens et faculté
cbascune de leurs petites commodités et encores en
pouvans moings recevoir à l’advenir pour les raisons susdictes, et ne leur est possible de fomir en une mesme année trois payemens pour une mesme et sculle rhose, ce qu’ilz feroyent volontiers sy la puissance pouvoit respondre à leur bonne volonté. Toutesfoys, sire, le pauvre peuple de vosdites villes supplie humblement vostre majesté de croire que , tantqu'ilz auront l'ame dedans le corps, ilz s'efforceront en toute manière de se conserver soubz vostredite autborité et obéissance , et y employeront ce qu’il leur reste de plus, qui est leurs corps et leurs vyes, ayans jà cy-devant consommé tous leurs biens en ce à cause de ce que dessus, comme aussy à la garde et delîence desdites villes soubz vostre obéissance, réparations et fortefications d’icelles, et vous font très humble instance et requeste de vouloir donner ordre à leurs misères et callamitez, reiglement de la gendarmerye, et réconcilier les cœurs de voz naturelz subjeetz, qu'ils puissent vivre en une bonne et assurée paix, et au surplus soyt vostredit royaulme bien florissant comme il souloyt estre auparavant lesdites guerres civilles, à l’honneur de Dieu, bien et soulagement de tout vostre peuple.
{ Bibi. imp. coilrcl. Dupoy. vot. 87, fol. 89 r*.)
