C. D M., T. Xf

ville de Rouen , qui ne se pouvoit remettre depuis les guerres , à cause des grands imposts dont elle estoit chargée ; que de bailler un emprunt particulier c'estoit chose impossible ; que la navigation et marchandise n'ajioient plus , et que ce n'estoit que misère. Toutesfois , pour ne manquer à nostre affection , qu'estans de retour nous remonstrerions à nos compagnies sa volonté et essayerions de les y disposer. Il répliqua qu'il vouloit avoir cent mille livres. Nous remonstrasmes que Paris n'ayant baillé que soixante mille escus, jamais en telles contributions Rouen n'avoit esté qu'au tiers ou au quart, ainsy que M. de Motteville l'attestoit , mesmes ayant long-temps exercé Testât de trésorier général. Enfin il nous dist qu'il envoyroit deux déclarations , Tune pour prendre un escu pour tonneau sur chacun navire qui entreroit dans nos ports , l'autre de dix sols pour muid de vin qui entreroit dans Rouen. Nous n'osasmes insister davantage , et prismes congé de luy.

Il me parla particulièrement de quelque plainte qu'on faisoit des recherches contre ceux qui avoient pris quelques Espagnols aus Indes, et me dict que ne devions pas favoriser lesdits Espagnols; et puisqu'ils ne vouloient pas permettre que l'on traictast aux Indes , Brésil et autres lieux au delà de la ligne, et qu'au traicté de paix dernier il n'y avoit peu rien gaigner, qu'il n'entendoit pas qu'on fist recherche aucune dece qui avoit esté exécuté par nos gens ausdits lieux ; et puisqu'ils prenoient nos vaisseaux quand ils les y trou voient, qu'ainsi on leur debvoit rendre la pareille. Gecy arriva sur un procez que l'on vouloit faire en la cour de parlement contre le capitaine Chauvin , duquel la barque avoit pris un navire espagnol. Et estant de retour à Rouen , je le fis entendre à nostre compagnie, qui a fait supercéder toutes poursuittes ; mais les Espagnols n'ont pas discontinué de nous faire bien du mal.

J'oubliois à dire que quelques-uns de ceux qui approchent plus prez du Roy nous advertirent que ledit argent et celuy de Paris estoient destiné pour aider à payer Verneuil , que le Roy donnoità madamoiselle d'Antragues,de laquelle il estoit lors fort passionnément amoureux. Je ne l'ay peu croire, d'autant que ce prince a bien esté subject à aimer et ardemment , mais il avoit tousjours préféré ses affaires à ses plaisirs : et puis il est dangereux d'y contredire.

<xx>

MÉMOIBES DE CLAUDE GBOULART. [iGOl]