LES CAPITOULS AU CARDINAL D'ARMAGNAC

(25 avril 1569.)

Monseigneur, Nous recepvons tous les jours tant de biens et bénéfices de vous que à jamais vous en demeurerons obligés raesmement de la bonne doctrine et affectionnée prédication que monsieur Tausmonier, par vous envoyé en Tholose, a faict durant le temps qu'il y a demeuré, ayant porté ung grand fruict, n'ayant espargné aulcune chose du debvoir d'ung bon serviteur de Dieu pour maintenir sa querelle à extirper et anéantir les ennemys de nostre saincte foy, ayant esté ung des premiers pour mettre la main aux armes et estre aydant à conduire la compagnie de la croizade au camp en la comté de Foix et au Caria, au grand contentement de tout le pays, que pleust à Dieu que eust esté exécuté comme avoit esté commencé, car nous fussions à présent hors de peine; et puisque ainsin est que n'avons peu retenir ledit sieur ausmonier à nostre grand regret et qu'il s'en va devers vous, l'avons bien voleu accompagner de la présente et par icelle vous advertir comment le seigneur de Terride a mis soubs la main du roy, en son obéissance, les terres et pays de Béarn et ne reste que quelques places de Navarrens, conlinuant tousjours l'exécution de sa charge. Le 22* du présent, le seigneur d'Arpajon, avec ses adhérans, cuydant des-

tourner l'entreprinse de monseigneur de Bellegarde, gouverneur, seroient sorly ^e Montauban, conduisant quelques pièces d'artillerie, pour aller assiéger Montech, et ayant receu cest advertissemenlj incontinent, de Tadvis dudit seigneur gouverneur et pour secourir ladicte ville qui est le boulevard de Tholose, nous aurions assemblé au mesme instant beaucoup de forces et, à toute diligence, envoyées audit lieu. Mais si tost que Tennemy eust advertissement de l'arrivée desdictes forces, ils print ses bardes et son chemin aud. Montauban. Mais il ne les sçeust pas si bien plier que ledit seigneur d'Arpajon ne y fut demeuré sur la place ayant esté tué d'ung coup de mousquetade, ce que vous avons bien voulu faire sçavoir estant asseurés que, de voslre part, vous en serez joyeulx pour ce que c'esloit ung personnaige qui a faict beaucoup de maulx. Il n'y a aultre chose qui mérite vous escripre que ledit seigneur aulmosnier ne vous fasse le discours du surplus de Testât de la ville. Priant Dieu, Monseigneur, que, en saincte, vous donne très-longue vye et sa grâce et à nous le moyen d'estre retenus en la vostre.

De Tholose le xxv<» Avril 1569.

Vos très-humbles, affectionnés et fidelles serviteurs.

Les capitouls de Tholose.

(La signature est déchirée.)

(Original; Archives de Thôtel de ville de Toulouse.)

LA SAINT-BARTHÉLEMY D'aPRÈS UN ÉTUDIANT DE TOULOUSE, 1572.

Geste mesme année se esmeurent de grands troubles, par toute la France pour respect de ceulx de la religion et hérétique et principalement en la ville de Paris, Lyon et ïhouloùse, car le roy, nostre sire, pour lors Charles IX, se délibérant totalement de exterminer les traictés que par l'espace de dix ans, les avoient inquiété en son royaulme par guerres civiles, trouvant oportunité de se venger i ung coup des trahisons plusieurs fois contre luy commises, et ses traistres assemblés en sadicte ville de Paris sous prétexte de mariage de madame Marguerite, sœur du roy, et de monsieur le duc de Navarre, facteur des rebelles, il exécuta si bien son entreprinse, que,ù ung soir et nuict, feurent massacrés quatorze ou quinze cents hommes des principaux de France.

Suivant ceste exécution, ceux de Thoulouse ne firent faulte d'em-

pi isonner tous les rebelles par lors qu'estoient en la ville, et les ayant détenus quelques joui*s prisonniers aulx couvents des prescheurSy carmes et augustins et prisons de la ville, le jour de Sainte- François (1) (chose fort lamentable à voir) feurent massacrés dans lesdictes prisons el dehors. Entre lesquels estoit ung monsieur Corras lequel, pour respect de sîi doctrine, méritoit non d'estre massacré, mais d'estre nourri à un pritanée pour mémoire des fruicts qu'il avoit porté à Testude des loys. Et certainement si je dis que les principaux qui exécutoient le massacre estoient escoliers, ce sera à grand regret, car c'est chose pitoyable d'entendre les enfans de Minerve, humaine et bénigne, se rendre les enfans de Mars le cruel el sanglant, veu que aultrement l'on pourroit procéder à la mort de telles gens.

Monsieur de La Tour, pour lors superintendant de ladicte nation (2), à l'absence de M. de La Grange, prieur, estant par lors accompagné d'un monsieur Dubourg, escolier daulphinois de la ville de Lion, et aultres, audict massacre firent quelque butin d'argent et aultres choses de gi*and valeur, pour respect duquel La Tour et Dubourg entrèrent en contestation, car La Tour se querelloit de ce que Dubourg lui retenoit quelque chose. Tellement que La Tour menaçant ledict Dubourg de le tuer ou battre où le trouverait, Dubourg l'anticipa, se sentant faible de résister audict de La Tour pour le renom qu'il avoii d'estre le plus vaillant et hardy aulx armes que feust pour lors àThoulouse; si que, un jour, le trouvant à une ruelle, sur le tard, ledict Dubourg luy lascha une pistolle à la cuisse, duquel coup La Tour moureust, au collège Saincte-Catherine duquel esloit colléguée et prieur, au bout de trois jours. AinsiD^ ayant esté traictrement et poultronnement tué par ung qui n'estoit aulcunement à comparer à luy à toute sorte d'armes, la nation feut à grand trouble non tant de l'outrage comme de la perte d'ung tel homme, lequel estoit plus craint à Thoulouze que aymé pour les cruaultés que l'on disoit qu'il avoit commises à l'endroict de ceulx qui feurent massacrés. Après lequel acte, Dubourg feust emprisonné et se justifia non sans grands despens...

(Extrait du Livre des dioses advenues à la très^noble et très-antique nation de Provence, f> 71; Bibliothèque des jésuites de Toulouse.)

(1) Le 4 octobre.

(2) La nation de Provence, c'est-à-dire la société des étudiants de cette contrée.

HENRI m AUX CAPITOULS.

|3!2 septembre 1574.)

De par le ray.

Très-chers et bien amez, nous avons receu, à noslre arrivée en cestuy nostre royaulme, un singulier contentement d'avoir entendu, tant par le récit que la royne, nostre très-honorée dame et mère, nous en a faict que ce que nous avons veu par les lettres dçrnières que luy avez escriptes, la dévotion en laquelle vous avez tousjours continué en ce qui touche nostre service et conservation de nostre ville deTholouze et pays de delà. Bien marry toutefois de l'inconvénient advenu de la prinse de nostre ville de Castres par les menées et pratiques de ceuk qui incessamment travaillent nos bons et loyaulx subjects, espérant, avec les moyens que Dieu nous a mis en mains, de leur faire cognoistre, et à tous leurs semblables, la faulte qu'ils commettent de ne rendre l'obéyssance à leur prince telle comme ils doibvent. Et cependant, d'aultant qu'il est besoing plus que jamais que ceulx qui ont esté cy devant poulsés de pareille volunté que vous tous au bien des affaires et service de ceste couronne persistent en la mesme, nous vous avons bien voullu escripre la présente, afin que, de vostre part, vous continuyez en ceste dévotion; et ce faisant, vous nous donnerez tousjours de tant plus occasion de vous recognoistre, comme nous en avons la volunté, tant en général qu'en particulier, quand l'occasion s'en présentera.

Donné à Lyon, le XXII"* jour de septembre 1574.

Henry

Fjzes

A noz très-chers et bien aymez les consuls et cappitoulx de nostre ville de Tholouze.

(Autographe; Arch. municipales de Toulouse; Lettres missives des souverains.) (1)

COMMISSION DE DAMVILLE EN FAVEUR DE BOUFFARD DE LA GRANGE. [9 nov. 1574.1

Henry de Montmorency, seigneur de Dampville, maréchal de

(1) On trouve dans le même volume une lettre de Catherine de Médicis, de la môme date, conçue à peu près dans les mômes termes.

France, gouverneur et lieutenant général pour le roy en Languedoc et commandant généralement en l'absence de monseigneur le prince de Condé par lous ses royaulmes, pais, terres et seigneuries de son obéissance pour la conservation et maintènement de sa couronne et de son Estât, union et liberté de ses subjets tans catholiques que de la religion réformée, à Jean de Boffard, s' de la Grange, salut. Ayant entendu par le rapport que faict nous a esté du bon et louable debvoir que vous auriez faict au services du roy et à la réduction de la ville de Castres soubz son obéissance et noz commandements et estant bien raisonnable qu'en ceste considération vous soyez employé avec une compaignie de gens de guerre à pied à la garde d'icelle, pour ces causes vous avons esleu nommé et ordonné lieutenant pour tenir garnison à ladite ville soubz commandement du sieur deFerrières, gouverneur d'icelle, avec une compagnie de deux cents hommes de guerre à pied, que vous mandons d'y asseoir promptement soubz voslre charge et conduite, des mieux armés et aguerris que poudrez choisir, lesquels voulons y estre receuz et logés par les consuls de ladite ville, soldoyez^etentreteneuz avec vous aux despens de ladite ville et diocèze de Castres, suivant les règlemens faiclz ou à faire en la prochaine assiette générale des estats. De ce faire vous avons donné et donnons plein pouvoir, aucthorité, commission et mandement seul et exprès par ces patentes.

Données à Montpellier, le neufviesme jour de novembre, Tan mil cinq cents soixante et quatorze.

H. D. Montmorency

Par mondit seigneur.

Charretier.

(Original; Archives de M. le comte- de Bouffard.)