LE PARLEMENT DE TOULOUSE

Au Roy.

[Castel-Sarrasin, 7 mai 1595).

Sire,

J'ay escrit à Vostre Majesté des 14, 18 et 21 du passé comme monsieur de Joyeuse s'estoit rendu maistre de vostre ville de Tholoze en laquelle il avoit establi une petite tyrannie après en avoir chassé la court de parlement. J'envoyay par mesme moyen ung mémoire des propos que m'avoit tenus son député, ensemble les responses que je luy ayois faictes. J'y adjoustay (le premier de ce moys) tout ce qui s'estoit passé en conséquence, et ne me reste à cesle heure qu'à vous adverlir, Sire, de l'establissement de leur dicte court en ceste ville lequel vous sera représenté par ung petit discours qui va avec la présente, sur lequel je supplie très-humblement Vostre Majesté m'honorer au plus tost de voz commandemens. Il y a vingt et six jours que ceste révolte a esté faicte et néantmoins je ne vois personne du costé de Guyenne ny de Languedoc qui y apporte tant soit peu de remède. J'ay escrit souvent et despèché hommes exprès vers monsieur le mareschal de Matignon et monsieur de Ventadour pour s'approcher des occasions, ce que j'espère qu'ilz feront suivant les responses qu'ilz m'en ont faictes; j'ay pareillement adverti tous les seigneurs et gentilshommes, voz serviteurs, pour se tenir prestz à l'arrivée des dictz sieurs gouverneurs, et tasche, cependant, à contenir les uns et exciter les autres au devoir. Dieu leur donne à tous bien faire et à moy,

Sire, le moyen de tesmoigner par effectz signalés que je suis, après avoir souhaité à Vostre Majesté très-longue, très-heureuse et très-contente vie,

Vostre très-humble, très-obéissant, très-fldelle et très-obligé serviteur et subject,

M. DE Vie.

De vostre ville de Ghasteau-Sarrazin, ce VU* may 1595. (Original; Bibl. de r Institut; Collection Godefroy, CCLXII.)

516 PIËCES ET DOCUMENTS